Lekubuk batel mas ti kʼu yelan xijtojob ta cholmantale: kʼuxi xuʼ jcholbetik mantal li buchʼu yan-o skʼope

Kʼu yuʼun tsots skʼoplal. Li Jeovae oy ta yoʼonton ti xichʼik koltael ta mantal skotol li krixchanoetike (Ech. 10:34, 35). Li Jesuse laj yal ti chichʼ cholel «ta spʼejel balumil» li lekil aʼyejetik «sventa xaʼi skotol li jteklumetike» (Mat. 24:14). Li j-alkʼop Sakariase laj yal ti «ta jujuchop cʼop ta scotol banamil» chchʼamik li lekil aʼyejetike (Zac. 8:23). Li jtakbol Juan eke laj yichʼ akʼbel yil ti «likemik tal ta skotol lumetik, nitilulaletik, [...] ta jeltos kʼopetik» li buchʼutik kuxul chkomik li ta mukʼta tsatsal vokolile (Apok. 7:9, 13, 14). Ta sventa li kʼusi laj xa kalbetik skʼoplale, mi la jtatik junuk krixchano ti yan-o skʼop li bu ta jcholtik mantale skʼan me xkakʼ kipaltik ta yalbel li kʼusi chal Vivliae.