LI JKUXLEJALTIKE
Jun achʼ koltael sventa jlikes jloʼiltik
Li ta enero ta 2016, li revista Li Jkʼel osil ta toyole ti jaʼ sventa skotol krixchanoetike te chlokʼ talel jun mantal li ta pajina 16 ti xi sbie: «¿Kʼusi chal li Vivliae?». Li mantal liʼe jaʼ sventa skoltautik ta slikesel jloʼiltik. Jaʼ jechtik xvinaj kʼuchaʼal li jtratadotaktike: yuʼun oy kʼusi tsjakʼ sventa xichʼ takʼel, xuʼ xichʼ takʼel ta junuk teksto ta Vivlia xchiʼuk oy to yan kʼusitik te ta xal.
Kʼalal lek ta jchiʼintik ta loʼil junuk krixchano ta sventa Vivliae, xuʼ te jlikestik-o jun estudio. Xuʼ jaʼ xatunes li jvokʼ mantal liʼe sventa xakolta li buchʼutik chviʼnajik ta mantale (Mt 5:6).
¿KʼUXI TA TUNESEL LI MANTAL LIʼE?
Jakʼbo li yajval na ti kʼusi tsnop ta sventa li sjakʼobile.
Aʼibo xchiʼuk tojbo ta vokol li kʼusi chale.
Kʼelo li teksto ti bu chal «Li kʼusi chal li Vivliae» vaʼun jakʼbo kʼusi tsnop. Mi xokol chavil li krixchanoe, xuʼ xavalbe jutuk skʼoplal ti bu chal: «¿Kʼusi to mas chal li Vivliae?».
Akʼbo li revistae.
Albo komel kʼusi ora tsut akʼel sventa xakʼelik li yan sjakʼobile.