¿Kʼuxi xuʼ jlikes jloʼiltik xchiʼuk li tratadoetike?

Li ta enero ta 2018, li Programa xchiʼuk bu chijtsʼibaje te yichʼoj talel ta baʼyel pajina ti kʼuxi xuʼ jlikes jloʼiltike. Kichʼojtik albel ti maʼuk noʼox chkakʼtik komel vunetik kʼalal ta jchiʼintik ta loʼil li krixchanoetike. Sventa spas kuʼuntik taje, jaʼ jtunestik ti bu chal: «Kʼuxi xuʼ jlikes jloʼiltik», yuʼun oy videoetik ti bu chakʼ ta ilel ti kʼuxi xuʼ jcholtik mantal sventa jaʼuk noʼox jtunestik li Vivliae. Pe ¿mi jaʼ skʼan xal ti mu xa stakʼ jtunestik vunetik kʼalal ta jcholtik mantal ta naetike? Moʼoj. Jech kʼu chaʼal liʼe, li tratadoetike to jtunelik sventa jlikes jloʼiltik. Kʼalal ta jtunestike xuʼ jech jpastik liʼe:

1. Jakʼo li sjakʼobil te talem ta slikebale, vaʼun akʼo stʼuj bu junukal li stakʼobile.

2. Akʼbo yil li teksto ti te talem ta xchibal pajinae. Mi xokol li yajval nae, chano xchiʼuk albo to smelolal li kʼusi yichʼoj talel li tratadoe.

3. Akʼbo komel yajval na li tratadoe xchiʼuk tijbo yoʼonton ti skʼel skotol mi jaʼo xokobe.

4. Kʼalal mu to chabate, pasbo li sjakʼobil ti te talem ti bu chal «Jakʼbo aba», vaʼun albo ti chatakʼbe ta Vivlia ta yan kʼakʼale.

Kʼalal chbat achaʼvulaʼane, takʼbo komel li sjakʼobil kechel komeme, pe jakʼbo komel yan sjakʼobil sventa xuʼ xatakʼbe ta yan velta. Xuʼ te xata li sjakʼobiltak li ta jpajinatik ta Internete o xuʼ jaʼ te xalokʼes li sjakʼobil li ta vun ti te xvinaj ta tratadoe. Mi xuʼ chavile akʼo komel li foyeto Lekil aʼyejetik yakʼoj Dios o yan vunetik ti te talem li ta Abtejebaletik sventa xijchanubtasvan ti jaʼ ta jtunestik sventa chkakʼtik-o chanubtasel ta Vivliae.