¿Kʼuxi xuʼ lek xkakʼ jkomentariotik?

Kʼalal lek li komentarioetike tstsatsubtas li tsobobbaile (Ro 14:19). Tstabe sbalil li buchʼu chakʼ skomentario eke (Pr 15:23, 28). Jaʼ yuʼun, kakʼtik persa yakʼel junuk jkomentariotik li ta jujun tsobajele. Pe teuk me ta joltik ti mu skotoluk velta chkichʼtik akʼbel li komentarioetike, jaʼ yuʼun jaʼ lek ti jchapantik me batel jayibuke.

¿Kʼu yelan ta akʼel jun lekil komentario?

• Jlikeluk noʼox, kʼunuk ta aʼiel xchiʼuk jamaluk ta aʼiel. Jutuk mu skotoluk velta xuʼ xkakʼtik ta 30 segundo o mu sta.

• Jaʼ mas lek ti xkal ta jkʼop jtuktike.

• Mu persauk ti xaval yan velta li kʼusi laj xa yalike.

¿Kʼusi skʼan jpastik mi voʼotik baʼyel la jtakʼtike?

• Jlikeluk noʼox xchiʼuk jaʼ noʼox takʼo li kʼusi tsjakʼike.

¿Kʼusi stakʼ jpastik mi laj xa yalbeik li stakʼobile?

• Jtunestik junuk teksto ti chakʼ ta ilel li kʼusi yakal ta jchantike.

• Kalbetik kʼusi sbalil ta jtabetik ta jkuxlejaltik.

• Kalbetik smelolal ti kʼuxi xuʼ jtunestik li kʼusi yakal ta jchantike.

• Kalbetik skʼoplal li kʼusi echʼem ta xkuxlejal junuk krixchano ti chakʼ ta ilel ti tsots skʼoplal li kʼusi yakal chichʼ chanele.