Kʼuxi ta tunesel li foyeto ¿Buchʼutik tspasik li kʼusi tskʼan yoʼonton Jeova avie?

Li foyeto ¿Buchʼutik tspasik li kʼusi tskʼan yoʼonton Jeova avie?, jaʼ sventa ta jchantik jujukoj xchiʼuk li buchʼutik chkakʼbetik estudio kʼalal ta jlikestik o mi tsuts li estudioe.a Li xchanobil 1 kʼalal ta 4 jaʼ te chalbe skʼoplal ti buchʼuutik li stestigoutik Jeovae; li ta 5 kʼalal ta 14 te chalbe skʼoplal li kʼusi ta jpastike xchiʼuk li ta 15 kʼalal ta 28 te chakʼ ta ilel li kʼusi yakal tspas li j-organisasiontike. Mas onoʼox lek kʼalal xcholet ta jkʼeltik batel li xchanobiltake, pe mi oy bu junuk xchanobil ti tskʼan tskʼelbe skʼoplal li buchʼu chkakʼbetik estudioe xuʼ jchantik xchiʼuk. Li jujun xchanobile jun noʼox pajina yichʼoj, jaʼ yuʼun xuʼ van chlaj noʼox jchantik ta voʼob o lajuneb minuto.

• 

  Albo mas skʼoplal li sjakʼobil ti te talem ta stituloal li xchanobile.

• Jmoj xachanik li xchanobile, likesik ta slikebal kʼalal to ta stsutseb o ta jujuvokʼ.

• Albeik skʼoplal li kʼusi jaʼ to la achanike. Tuneso li sjakʼobil xchiʼuk slokʼol ti te talem li ta slajeb jujun xchanobile. Kʼelik xchiʼuk albeik skʼoplal li tekstoetik ti bu mas chtun chavile. Akʼo ta ilel ti te ta jtabetik stakʼobil li ta subtituloetik li kʼusi la jakʼtik ta stituloale.

• Mi te yichʼoj talel li ta xchanobil li rekuadro ti bu chal: «Chanbo mas skʼoplal» xie, kʼelik xchiʼuk tijbo yoʼonton li avaj-estudio sventa tspas li kʼusi te chale.