Tsatsubtasbo yoʼonton li buchʼu yiktaoj sba ta mantale

Jujun jabile chtalik ta Snaʼobil slajel Kristo li buchʼutik yiktaoj sbaik ta mantale. Akʼo me lik anilajikuk li ta anilajel sventa li kuxlejale, kʼunibik ta be ta skoj li kʼusitik la snuptanike, jech kʼuchaʼal chalbe skʼoplal li foyeto Sutan ta stojolal Jeova (Evr 12:1). Li buchʼutik yiktaoj sbaik ta mantale ep sbalil ch-ilatik yuʼun li Jeovae, yuʼun la sman ta xchʼichʼel Xnichʼon (Ech 20:28; 1Pe 1:18, 19). ¿Kʼuxi xuʼ jkoltatik sventa sutik tal li ta tsobobbaile?

Li moletik ta tsobobbaile chakʼ yipalik ta xchiʼinel ta loʼil xchiʼuk skoltael li ermanoetik ti yiktaoj sbaike, jech kʼuchaʼal jun jchabichij ti tsaʼ ta persa li xchijtak ti chʼayemike (Lu 15:4-7). Taje chakʼ iluk ti skʼanojan xchiʼuk ti oy ta yoʼonton Jeova li buchʼutik yiktaoj sbaike (Jer 23:3, 4). Li moletike maʼuk noʼox xuʼ tspatbe yoʼonton li ermanoetik taje, yuʼun jkotoltik xuʼ jech jpastik. Li slekil koʼontontik xchiʼuk kʼanelal chkakʼtik iluk ta stojolalike lek me chil li Jeovae xchiʼuk lek me kʼusi chakʼ kʼotuk ta pasel (Pr 19:17; Ech 20:35). Jaʼ yuʼun, kʼelo buchʼu xuʼ chatsatsubtasbe yoʼonton xchiʼuk paso xa noʼox me.

MI LAJ AKʼEL LI VIDEO JTSATSUBTASTIK LI BUCHʼUTIK YIKTAOJ SBAIK TA MANTALE, TAKʼIK LI SJAKʼOBILTAK LIʼE:

• ¿Kʼusi la spas Abbey kʼalal la yojtikin jun ermana ti yiktaoj sba ta mantale?

• ¿Kʼu yuʼun skʼan xkalbetik moletik mi ta jkʼan ta jkoltatik li buchʼu yiktaoj sba ta mantale?

• ¿Kʼuxi la xchapan sba Abbey kʼalal skʼan toʼox xbat skʼel yan velta li Laurae?

• ¿Kʼutik yelan laj yakʼ iluk Abbey smalael yuʼun, kʼanelal xchiʼuk ti oy-o ta yoʼonton tskolta li Laurae?

• ¿Kʼusi chakʼ jchantik li lokʼolkʼop laj yal Jesus ta Lukas 15:8-10?

• ¿Kʼusitik lek kʼot ta pasel ta skoj ti laj yakʼ yipalik ta skoltael li Laurae?