¿Kʼusi chakʼ jchantik li kansionetike?

¿Kʼusi kansional chakʼupin xchikintael li ta jpajinatik JW Broadcasting^®? ¿Kʼu yuʼun ti chakʼupine? ¿Mi chakʼ ta ilel chavil ti kʼu yelan jkuxlejaltik avi li kansionetik ti oy svideoale? Akʼo mi ep ta tos li kansione xchiʼuk ti jelajtik ti kʼu yelan x-aʼibaje, oy onoʼox junuk ti ta jkʼupintike. Pe li kansionetik ti oy svideoale maʼuk noʼox sventa chchʼay koʼontontik.

Skotol li kansionetike oy kʼusitik chakʼ jchantik ta sventa jkuxlejaltik xchiʼuk ta sventa li cholmantale. Junantik kansionetike jaʼ chalbe skʼoplal ti lekuk xijchʼamvane, ti tsobolutikuke, chalbe skʼoplal kamigotaktik, kʼanelal, ti tsotsuk koʼontontike xchiʼuk li xchʼunel koʼontontike. Junantik xtoke, jaʼ chalbe skʼoplal ti xijsut ta stojolal li Jeovae, ti jnaʼtikuk yakʼel pertone, ti tukʼuk xkakʼ jbatik jujun kʼakʼale xchiʼuk ti jkʼeltik kʼuxi xuʼ xijtun-o batel ta stojolal li Diose. Maʼuk noʼox, yuʼun oy jun kansion ti tskoltautik yoʼ ta smeloluk noʼox jtunes li jselulartike. ¿Kʼusi yakʼoj achan li kansionetike?

MI LA AKʼELIK LI KANSION TI OY SVIDEOAL POʼOT XA XTALE, TAKʼIK LI SJAKʼOBILTAK LIʼE:

• ¿Kʼusi yakal tsnopbeik skʼoplal li nupultsʼakal ti oy xa yuni jabilalike? (Je 12:3).

• ¿Kʼusi xuʼ jpastik yoʼ jpʼeluk-o ta koʼontontik ti chkʼot onoʼox ta pasel yuʼun Jeova skotol li kʼusi yaloje?

• ¿Buchʼutik ti poʼot xa jchaʼkʼeltik yan veltae?

• ¿Kʼuxi tskoltautik li kʼusi yaloj tspas li Ajvalilal yuʼun Dios sventa xkuch kuʼuntik li kʼusitik yakal ta jnuptantike? (Ro 8:25).