Kʼuxi xuʼ jtunestik ti bu chal: «Kʼuxi xuʼ jlikes jloʼiltik»

Toj lek kʼelbil ti bu chal «Kʼuxi xuʼ jlikes jloʼiltik». Epal jcholmantaletik ti jaʼ stunesojike lek kʼusi kʼotem ta pasel yuʼunik li ta sterritorioike. Pe ta skoj ti mu koʼoluk jkuxlejaltik ta jujun lume, li jcholmantaletike xuʼ sjelik jutuk ti kʼu yelan tslikes sloʼilik kʼalal chcholik mantale o xuʼ jaʼ xalbeik skʼoplal li kʼusi lek chaʼiik li krixchanoetik ta sterritorioike. Pe kʼalal jaʼ sventa jun kampaña ti stuk noʼox jeche, skʼan ti jechuk xichʼ pasel kʼuchaʼal albil tale. Li kʼusi ta jkʼantike jaʼ ti xkalbetik skʼoplal li lekil aʼyejetik ta sventa li Ajvalilal yuʼun Dios jech kʼuchaʼal laj yal komel li Jesuse (Mt 24:14).

Kʼalal tsjelubtas sparte ta tsobajel ta xokol kʼakʼal li jun jcholmantale, skʼan skʼel ti bu chal: «Kʼuxi xuʼ jlikes jloʼiltik» yoʼ snaʼ kʼusi skʼan xalbe skʼoplale. Pe xuʼ sjel li kʼusi tsjakʼe, li teksto tskʼele, li kʼusi tsjakʼ komele o ti kʼu yelan chchiʼin ta loʼil li krixchano ti bu mas sta˗o ta sterritorioe. Pe mu me jeltik mi jech laj kichʼtik albele. Mu xa jechuk chichʼ pasel kʼuchaʼal laj yichʼ alel li ta Programa xchiʼuk bu chijtsʼibaj ta pajina 8 ti lokʼ ta junio ta 2020.