¿Mi chatabe lek sbalil li Vivlia ti pasbil gravare?

¿Kʼu yelan li Vivlia ta audioe? Jaʼ li Xchʼul Kʼop Dios sventa Achʼ Balumil ti pasbil gravar ta audioetike, ti yakal xa chlokʼ ta jeltos kʼopetike. Toj kʼupil sba li audioetik taje, yuʼun jelajtik li yechʼomal eil chkaʼitike. Jamal xkaʼitik ti butik mas tsots skʼoplale xchiʼuk chkʼot ta koʼontontik ti kʼu yelan pasbil gravare.

¿Kʼusi sbalil ta jtabetik kʼalal ta jchikintatik li Vivlia ti pasbil gravare? Li buchʼutik nopem xaʼiik xchikintael li audioetike, chkoltaatik sventa teuk xa skʼelojik yilel li kʼusi yakal chchikintaike. Kʼalal chaʼiik jujun yechʼomal eile, te xa oy chaʼi sbaik xchiʼuk mas chaʼibeik smelolal li kʼusi yakal chaʼiike (Pr 4:5). Yantike mas la jun yoʼonton chaʼi sbaik kʼalal chchikintaik li audioetike (Sl 94:19).

Xuʼ me skoltautik ta jkuxlejaltik kʼalal ta jchikintatik li Vivlia ti pasbil gravare (2Kr 34:19-21). ¿Mi oy xa pasbil gravar ta akʼop li Vivliae? ¿Kʼu yuʼun mu xavakʼ ta avoʼonton ti nopajtik noʼox xachikinta li audioetik taje?

MI LA AKʼELIK LI VIDEO TI KʼU YELAN LAJ YICHʼ PASEL GRAVAR LI VIVLIAE (JTUCHʼ NOʼOX), TAKʼIK LI SJAKʼOBIL LIʼE:

¿Kʼusi ti mas labal sba chavaʼi ti kʼu yelan laj yichʼ pasel gravar li Vivliae?