¿Kʼu yuʼun kuxulutik?

Li kʼusi chal Vivliae

Ep ta tos ti kʼu yelan tsjakʼbe sbaik ti kʼu yuʼun kuxulutike xuʼ van oy buchʼu xi sjakʼbe sbae: «¿Kʼu chaʼal liʼ oyutike?» O «¿Mi oy stu li kuxlejale?». Li Vivliae chal ti jaʼ sventa xkamigoin jbatik xchiʼuk Dios ti jech kuxulutike. Sventa xkaʼibetik lek smelolale, jkʼeltik kʼusi chchanubtasvan ta melel li Vivliae.

• Li Diose jaʼ Jpasvanej kuʼuntik. Xi chal li ViVliae: «Jaʼ la spasutic, muc jechuc noʼox lijʼayin jtuctic» (Salmo 100:3; Apokalipsis 4:11).

• Li Diose oy kʼusi snopoj kʼalal la spas skotole, ti te skʼoplal li krixchanoetike (Isaías 45:18).

• Ti kʼu yelan la spasutik li Diose jaʼ ti Chtun kuʼuntik li mantale, ti te tsakal skʼoplal ti ta jkʼan ta jnaʼtik ti kʼu yuʼun kuxulutike (Mateo 5:3). Li stuke tskʼan ti akʼo jnaʼtik kʼuchaʼal la spasutike (Salmo 145:16).

• Jun koʼonton chkaʼi jbatik ta mantal kʼalal chkakʼbetik yipal ta yojtikinel li Diose xchiʼuk ti chkamigoin jbatik xchiʼuke. Yuʼun xuʼ onoʼox xkʼot ta kamigotik li Diose, xi tstij koʼontontik li Vivliae: «Nopajanik ta stojolal Dios, vaʼun chnopaj tal ta atojolalik ek» (Santiago 4:8; 2:23).

• Sventa xijkʼot ta yamigo Diose, skʼan jechuk kuxulutik kʼu chaʼal tskʼan yoʼonton ta slikebale. Li Vivlia jamal chal li kʼusi tskʼan yoʼonton, xi chale: «Ichʼo me ta mucʼ li Diose; chʼunbo scotol li smantaltaque. Jaʼ noʼox jech oy ta sventa acʼo spas li cristianoetique» (Eclesiastés 12:13).

• Ta jelavele, xuʼ lek tsʼakal tskʼupinik li kʼusi onoʼox snopoj tspas Jeova sventa li krixchanoetike, yuʼun ta slajes ta j-echʼel li il vokolile xchiʼuk chakʼbe xkuxlejal sbatel osil li yamigotake, ti jaʼik li buchʼutik tukʼ chakʼ sbaik ta stojolale (Salmo 37:10, 11).