Diose jaʼ ti lekil amiko xuʼ cha tae

Li kʼusi toj lek chjelav avuʼune jaʼ ti yamikoinel Diose. Diose ta xchanubtasot kʼuxi stakʼ xa ta amuyubajel xchiʼuk achabiel; ta skoltaot lokʼel ta jecheʼ chʼunolal xchiʼuk li kʼusi nopemot ta spasel ti chakʼbot avokole. Ta xaʼibot li aorasione. Ta xakʼbot slekilal yutil avoʼonton xchiʼuk spatel avoʼonton (Salmo 71:5; 73:28). Dios ta skoltaot kʼalal oy avokole (Salmo 18:18). Xchiʼuk noxtok, ti Diose tskʼan chakʼbot li matanal kuxlejal sbatel osile (Romanos 6:23).

Kʼalal cha nopaj ta Diose voʼote cha nopaj ta yamikotak ti Diose. Leʼike chkʼotik ta avamikotak ek. Melel onoʼox, jaʼ chkʼotik kʼuchaʼal avermanotak. Ta xmuyubajik ti chchanubtasoxuk ta sventa Dios, ta skoltaoxuk xchiʼuk ta stoyoxuk likel.

Mu xi jkoʼolaj xchiʼuk ti Diose. Mi cha kʼan cha vamikoin ti Diose, oy kʼusi tsots skʼoplal skʼan xa vaʼibe smelol: ta yamikoinel ti Diose maʼuk tskʼan chal ti koʼolutik xchiʼuke. Li stuke jaʼ toj echʼem ep sjabilal voʼotike moʼoj, toj echʼem pʼij xchiʼuk toj echʼem sjuʼel. Jaʼ noʼox Stuk staʼo ch-Ajvalij kuʼuntik. Jech oxal, mi ta jkʼantik jaʼutik yamiko, skʼan xkaʼibetik xchiʼuk jpastik li kʼusi tskʼanbutike. Xchʼunbel ti Diose jaʼ onoʼox sventa jlekilaltik (Isaías 48:18).