KʼUSITIK CHICHʼ JAKʼEL TA SVENTA VIVLIA

¿Buchʼu la spas li Diabloe?

Li Diose maʼuk la spas li Diabloe. Yuʼun li Diose la spas jun anjel ti la skʼatajes sba stuk ta Diablo ta mas tsʼakale, ti ojtikinbil kʼuchaʼal Satanás xtoke. Jech kʼuchaʼal laj yakʼ ta aʼiel li Jesuse, li Diabloe maʼuk toʼox jutkʼop xchiʼuk jmilvanej. Yuʼun ta slikebale jaʼ toʼox jun stukʼil nichʼon Dios li anjel taje. (Kʼelo Juan 8:44.)

¿Kʼuxi ti kʼataj ta Diablo li jun lekil anjele?

Li anjel ti kʼataj ta Diabloe la stoy sba stuk ta stojolal Dios xchiʼuk la stijbe yoʼonton sventa smojin sjolik xchiʼuk li baʼyel nupultsʼakale. Jaʼ jech kʼataj ta Diablo, ti «Jchopolkʼoptavanej» skʼan xale xchiʼuk ta Satanás, ti «Jkontrainvanej» skʼan xale. (Kʼelo Génesis 3:1-5; Apocalipsis 12:9.)

Skotol li anjeletik ti oy spʼijilike kolemik ta stʼujel kʼusi tskʼan tspasik, li Diabloe xuʼ ox jech tspas ek, xuʼ stʼuj mi jaʼ tskʼan tspas li kʼusi leke o jaʼ li kʼusi chopole, pe jaʼ la stʼuj ti x-ichʼat ta mukʼe. Jaʼ bat mas ta yoʼonton ti tskʼan ichʼel ta mukʼ stuke, maʼuk ti tsmuyubtabe yoʼonton li Diose. (Kʼelo Mateo 4:8, 9; Santiago 1:13, 14.)

¿Kʼuxi tsloʼla-o krixchanoetik li Diabloe? ¿Mi ta van xaxiʼo? Li stakʼobiltak taje xchiʼuk yan sjakʼobiltake te ta jtatik ta Vivlia.