¿Mi chapalutik xa sventa ta jkʼejintatik Jeova li ta tsobajeletike?
1 Kʼalal ta jchapan jbatik li ta tsobajeletike te smakoj xtok ti skʼan jchapan jbatik skʼejintael li kʼejojetike. Jkʼeltik batel jun-chibuk pʼijubtasel.
2 Aʼibo smelolal li sletraile. Li teksto ta Vivlia yichʼoj talel ta slikebe xchiʼuk li yan tekstoetik ta olone chkoltavan sventa xkaʼibetik smelolal bu lokʼem tal li kʼusi chal li sletraile.
3 Chanilano. Kʼalal jaʼo chkichʼtik ta mukʼ Jeova ta kutsʼ kalaltik jujun xemanae xuʼ jaʼo te jchanilantik jlikeluk li achʼ kʼejojetike. Jmoj xa kʼejin xchiʼuk li sonal ti chichʼ tunesel onoʼox ta tsobajeletike.
4 ¿Mi chapalutik xa sventa chlik jtunestik ta xemanail 29 yuʼun marso li achʼ svunal kʼejoj Jkʼejintatik li Jeovae? Sventa jech taje, ¡jchʼakbetik yorail sventa xkaʼibetik smelolal li kʼusi skʼan chakʼ jnatik li kʼejojetike xchiʼuk jchanilantik me!