Kʼuxi xuʼ jtunestik li vun Sírvase visitar (S-43-S)

Li vun liʼe chichʼ nojesel kʼalal mi la jtatik jun krixchano ti mu teuk nakal li bu yosilal ta jcholtik mantale, ti yan-o skʼop xchiʼuk ti lek laj yaʼi li mantale. Leʼ toʼox tale, akʼo mi lek o muʼyuk lek laj yaʼi mantal li buchʼu ta jchiʼintik ta loʼile chichʼ toʼox nojesel li vune, li avie jaʼ xa noʼox ta jnojestik kʼalal lek chaʼi mantal li jun krixchanoe. Pe mi la jtatik junuk krixchano ti pakʼchikine, manchuk mi lek o muʼyuk lek laj yaʼi li mantale skʼan nojesel li vun S-43-S.

Mi laj xaʼox jnojestik li vune, ¿kʼusi skʼan pasel? Skʼan xichʼ akʼbel li sekretario ta tsobobbaile. Mi snaʼoj bu tsobobbail xuʼ stak batele, jaʼ ta stakbe batel li moletik tee sventa jaʼ xa xkom ta sbaik skoltael ta mantal li krixchanoe. Pe skʼan stak batel ta Betel mi mu snaʼ bu tsobobbail xuʼ stak batele.

Mi oy jun krixchano lek laj yaʼi mantal ti yan-o skʼop xchiʼuk ti te nakal li bu yosilal ta jcholtik mantale, xuʼ xichʼ-o vulaʼanel jaʼ to mi laj yichʼ tael junuk jcholmantal ti koʼol skʼopik ti jaʼ xuʼ skolta sventa xchʼi ta mantale (kʼelo Kabteltik sventa Dios yuʼun noviembre ta 2009, pajina 4).