Junchib slikeb jloʼiltik

Li Jkʼel osil ta toyole 1 yuʼun oktuvre

«Yakal chkakʼbekutik krixchanoetik li revista liʼe. [Akʼbo yil li baʼyel pajina Li Jkʼel osil ta toyole.] Ep buchʼutik chalik ti jecheʼ noʼox la ta jchʼay jkʼakʼaltik kʼalal ta jpastik orasione, yuʼun la muʼyuk buchʼu chaʼibutik. Oy jlome xchʼunojik ti chchikinta j-orasiontik li Diose. ¿Kʼusi chanop li voʼote? [Akʼo stakʼ.] Kʼelavil kʼusi chal Vivlia ta sventa li orasione. [Kʼelo Isaías 30:19.] Li revista liʼe chakʼ ta ilel sprevail ti chaʼi xchiʼuk tstakʼ j-orasiontik li Dios mi lek kʼusitik ta jkʼantike xchiʼuk mi oy smelolale.»

Sventa tratadoetik

Kʼalal mi laj xaʼox akʼopon li krixchanoe: 1) Akʼbo yil li sjakʼobil yichʼoj tal li tratado ta baʼyel pajinae xchiʼuk jakʼbo kʼusi tsnop ta sventa li oxib stakʼobil te talem ta olone. 2) Jamo li tratadoe xchiʼuk akʼbo yil ti bu chal: «Li kʼusi chal li Vivliae». Mi laje xuʼ xakʼelbe ta Vivlia li teksto te taleme, mi xokol to li krixchanoe, chanik ti bu chal: «Ti kʼuxi ta jtabetik sbalil kʼalal ta jnaʼtike». 3) Akʼbo li tratadoe xchiʼuk albo ti akʼo skʼel sliklej kʼalal mi xokobe. 4) Kʼalal mu to chabate akʼbo yil li sjakʼobil ti te talem ta slajeb pajina ti xi sbie «Jakʼbo aba» xchiʼuk albo ti chasut akʼel ta yan velta sventa xakʼelik kʼusi chal Vivlia ta sventa li sjakʼobil taje.