Sventa xvul ta ajol li tekstoetike

¿Kʼusi tekstoal ti chakʼupine? Oy van jayibuk ti chakʼupine. Jaʼ van jun teksto sventa spat avoʼonton, tskoltaot sventa mu xanop li kʼusi chopole o jaʼ van sventa xakolta-o yantik (Sal. 119:​11, 111). Pe xuʼ van mu xvul ta ajol li kʼusi chale o ti bu jotukal xkome. Jkʼeltik kʼusitik xuʼ xapas.

• Tuneso li etiquetas ta JW Library^®. Kʼalal yakal chachan Avivlia ta aplikasione xchiʼuk mi laj ata junuk teksto ti chakʼupine, akʼbo s-etiketail. Vaʼun, batan ti bu chal «Estudio personal», laje pasbo junuk s-etiketail xchiʼuk xuʼ xi xavakʼbe sbie: «Jkʼupil tekstotak». Vaʼun, kʼalal chachan Avivlia xchiʼuk mi laj ata junuk teksto ti chakʼupine, jaʼ te xakʼej li ta etiqueta apasoje.

• Jaʼ te xavakʼ ti bu xavile. Junantik ermanoetike tstsʼibaik ta vun li tekstoe, laje tspakʼik ta espejo o ta refrigerador. Yantik xtoke tslokʼesbeik sfoto, vaʼun chakʼik ta fondo de pantalla ta selularik o ta skomputadoraik.

• Paso tarjetaetik sventa xvul ta ajol. Li ta jot tarjetae tsʼibao li tekstoe, li ta jot xtoke tsʼibao kʼusi chal li tekstoe. Laje, jot noʼox xakʼel, vaʼun akʼo persa xavules ta ajol li kʼusi chal ta jote.