«La xchan xchʼunel mantal»

Li Jesuse skotol ora chchʼunbe smantal Jeova (Juan 8:29). Pe ¿kʼu yuʼun chal Vivlia ti «la xchan xchʼunel mantal ta skoj ti laj yil svokole»? (Ebr. 5:8).

Kʼalal ay ta balumil li Jesuse, oy kʼusitik la snuptan ti muʼyuk bu jech yiloj ta vinajele. Jech kʼuchaʼal liʼe, li stot smeʼe skʼanojik Jeova, pe jpasmuliletik. Akʼo mi jech, laj onoʼox xchʼunbe smantal (Luk. 2:51). Tikʼbat smul yuʼun li jnitvanejetik ta relijione xchiʼuk muʼyuk tukʼ xchapanat yuʼun li ajvaliletike (Mat. 26:59; Mar. 15:15). Jech xtok, «la sbikʼtajes sba [ . . . ] xchiʼuk laj onoʼox xchʼun mantal» manchuk mi solel chʼabal xkʼuxul yoʼontonik ti kʼu yelan la smilike (Filip. 2:8).

Li kʼusitik la snuptane jaʼ koltaat-o sventa xchan xchʼunel mantal. Vaʼun, jaʼ jech kʼot ta Ajvalil xchiʼuk ta mero Bankilal Pale ti xaʼibe lek smelolal ti kʼu yelan chkaʼi jbatike (Ebr. 4:15; 5:9). Kʼalal laj yil svokol li Jesuse, la xchan xchʼunel mantal, vaʼun mas to ep sbalil ilat yuʼun li Jeovae xchiʼuk oy kʼusitik akʼbat sbain. Mi la jchantik xchʼunel mantal akʼo mi tsots li kʼusitik ta jnuptantike, mas to me ep jbalil chilutik li Jeova eke (Sant. 1:4).