¿Kʼusitik tspas li Ajvalilal yuʼun Diose?

Li kʼusi chal Vivliae

Li Ajvalilal yuʼun Diose jaʼ chkom ta xkʼexol skotol li ajvaliletike xchiʼuk jaʼ tsventain spʼejel li balumile (Daniel 2:44; Apokalipsis 16:14). Jkʼeltik kʼusitik tspas mi lik ventainvanuke.

• Chichʼik lajesel li buchʼutik chopolike. «Li buchʼutik toj chopolike ta xichʼik kʼokel lokʼel li ta balumile» (Proverbios 2:22).

• Chlaj skʼoplal li paskʼopetike. Li Diose «tslajesbe skʼoplal li paskʼopetik ta spʼejel balumile» (Salmo 46:9).

• Lek noʼox li kuxlejale xchiʼuk ch-ayan jun oʼontonal. «Ta jujuntal te chchoti ta yolon steʼel s-uvaik xchiʼuk ta yolon steʼel s-igoik, muʼyuk buchʼu tsibtasatik» (Mikeas 4:4).

• Chkʼataj ta jun paraiso li balumile. «Li takixokol balumile xchiʼuk li takin balumile ta xmuyubajik, li stenlejaltik ti takin tajeke xkuxet noʼox yoʼonton likel xchiʼuk chnichin kʼuchaʼal li asafran nichime» (Isaias 35:1).

• Lek chakʼ sat li yabtel kok jkʼobtike xchiʼuk xkuxet koʼontontik yuʼun. «Ta skʼupinik lek yabtel skʼobik li buchʼutik jtʼujoje. Mu jecheʼuk noʼox ti tsots ch-abtejike» (Isaias 65:21-23).

• Muʼyuk xa chameletik. «Mi junuk jnaklej ta balumil xi chale: ‹Toj ipun›» (Isaias 33:24).

• Muʼyuk xa malubel. «Akʼo lekubuk li sbekʼtale, masuk to lek kʼuchaʼal li sbekʼtal jun olole; akʼo xchaʼta yav ti kʼu toʼox yelan yipal ta skeremale» (Job 33:25).

• Chchaʼkuxiik li buchʼutik chamemike. «Skotol li buchʼutik oy ta smukinalike chaʼibeik yechʼomal ye [Jesus], vaʼun chlokʼik tal» (Juan 5:28, 29).