ПАЙДАЁ ВИЗЬ-КЕНЕШЪЁС. МАЕ ЭСКЕРЫНЫ ЛУЭ

«Духовной кырӟанъёсмес» дышетэ

«Куддыръя мон асме номырлы ярасьтэм адямиен шӧдӥсько. Сыӵе вакытъёсы Иегова монэ бродкастингысь кырӟанъёсын юнматэ» (Лоррейн, Огазеяськем Штатъёс).

Христианъёс пӧртэм сямен Инмарез данъязы, озьы ик «духовной кырӟанъёсын» но (Кол. 3:16). Кырӟанъёсты дышетӥды ке, соос тӥледыз юнматыны быгатозы, кырӟанъёсын книгады яке электрон тӥрлыкты ӧз луы ке но. Кырӟанъёсты дышетон понна, тырше та визь-кенешъёсты уже кутыны.

• Кырӟанэз сак лыдӟе но пуштроссэ валаны тырше. Ми мае ке умой валамы ке, сое тодамы возьыны капчигес. Вань кырӟанъёсмылэсь кылъёссэс шедьтыны луэ jw.org сайтысь. Усьтэ «Библиотека» вкладкаез, собере зӥбе «Музыка». Отын вань нылпиослы поттэм кырӟанъёс но, JW Broadcasting^®-ысь кырӟанъёс но. (Куд-ог кырӟанъёс удмурт кылын но вань.)

• Кырӟанлэсь кылъёссэ бумага вылэ гожтэ. Соку соос тӥляд йырады умойгес пырозы (К. Зак. 17:18).

• Шара вералэ. Кырӟанэз кӧня ке пол лыдӟе яке кырӟалэ.

• Эскере, кырӟан тодады кылиз-а. Кылъёссэ учкытэк, кырӟанэз тодады вайыны тырше. Собере эскере, пӧрмиз-а тӥляд.