Исраилниң тунҗа падишасидин, исраилларниң Бабилонға әсир болушиғичә

Саул Исраилниң тунҗа падишаси болған еди. Амма, Пәрвәрдигар Йәһва Саулни ташлап, Давутни униң орниға падиша болушқа таллиди. Биз Давут тоғрисидики көп ишларни көрүп чиқимиз. Яш Давут ғайәт йоған адәм Җолят билән җәңгә чүшкән еди. Кейин, һәсәтхор падиша Саулдин қечип жүрди. Шу вақитта, чевәр аял Абигаил уни әхмиқанә иш қилиштин тосап қалди.

Униңдин кейин, Давутниң орниға Исраилға падиша болған униң оғли Сулайман һәққидә көп нәрсиләрни үгинимиз. Әшу Исраилниң дәсләпки үч падишаси һәр бири 40 жилдин падишалиқ тәхтидә олтарған еди. Сулайман өлүп кәткәндин кейин, Исраил дөлити, шимал вә җәнубтин ибарәт икки падишалиққа бөлүнүп кәтти.

Шималий падишалиқни Исраилниң 10 қәбилиси қурған болуп, 257 жил давам қилғандин кейин, ассурийәликләр тәрипидин вәйран қилинди. Шуниңдин йәнә 133 жил өтүп, Исраилниң икки қәбилиси қурған җәнубий падишалиқму харап қилинди. Бу вақитта, исраиллар Бабилонға әсирликкә елип кетилди. 4-қисим 510 жиллиқ тарихни өз ичигә алған. Мошу қисимда нурғунлиған кишини һәйран қалдуридиған иш-вақиәләрни көрүп өтимиз.