«Һаятимиз вә хизмитимиз. Иш дәптири» үчүн мәлумат мәнбәлири
3—9 июнь
ХУДА СӨЗИДИКИ ҒӘЗНӘ | ГАЛАТИЛИҚЛАРҒА 4—6
Символлуқ мәнаси бар мисалниң биз үчүн қандақ әһмийити бар?
it «Һәҗәр», 6-абз.
Һәҗәр
Әлчи Паулниң ейтишичә, Худа билән Синай теғида Қанун келишимини түзгән Исраил хәлқи символлуқ мәнада Ибраһимниң қули Һәҗәрни билдүриду. Бу келишим арқилиқ Исраил хәлқи «өз балилири билән қуллуққа» чүшкән. Сәвәви исраиллиқлар гунакар болғачқа, келишим шәртлирини толуқ орунлалмиған. Исраиллиқлар бу келишимниң астида болғанлиқтин, әркин хәлиқ болалмиған вә улар гунакарлар сүпитидә өлүмгә һөкүм қилинип, нәтиҗисидә қул болди (Йоһ 8:34; Рм 8:1—3). Паулниң күнлиридә, Йерусалим пайтәхти өз балилири билән қуллуқта болған Исраил хәлқини, йәни Һәҗәрни тәсвирлигән. Амма Ибраһимниң аяли Сарә болса әркин болғачқа, «әрштики Йерусалимни» тәсвирлигән. «Әрштики Йерусалимниң» пәрзәнтлири — Худа вә Униң символлуқ аялиниң, йәни асмандики тәшкилатниң майланған мәсиһийлирини билдүриду. Бу «әрштики Йерусалим» әркин Сарәгә охшаш қуллуқта һечқачан болмиған. Сарәниң оғли Исһақ «әрштики Йерусалимниң» пәрзәнтлирини билдүриду. Һәҗәрниң оғли Исмаил болса, қуллуқта болған йәрдики Йерусалимниң пәрзәнтлирини билдүриду. Исмаил Исһақни тәқип қилғандәк, йәрдики Йерусалимниң пәрзәнтлири «әрштики Йерусалимниң» пәрзәнтлирини тәқип қилған. Нәтиҗисидә, Ибраһим пәйғәмбәр Һәҗәр билән оғлини қоғлап чиқарғандәк, Йәһва Худа Исраил хәлқини рәт қилған (Гл 4:21—31; Йоһ 8:31—40).
w14 15.10. 10-б, 11-абз.
Худаниң ирадиси Падишалиқ арқилиқ әмәлгә ашидиғанлиғиға мәһкәм ишиниң
11 Ибраһимниң келишими униң әвлатлири Вәдә қилинған зәминни мирас қилип алғанда, удул мәнада орунланған. Амма, Муқәддәс китапта бу келишим йәнә роһий җәһәттинму орунлиниши керәк еди (Гал. 4:22—25). Шуңа, әлчи Паул, бу келишимниң роһий җәһәттин Ибраһимниң әвладиниң муһим биринчи қисми — Мәсиһ, иккинчи қисми — 144000 майланған адәмләр дәп чүшәндүргән (Гал. 3:16, 29; Вәһ. 5:9, 10; 14:1, 4). Галатилиқларға йезилған хәттә, әвлатни дунияға әкәлгән аял, садиқ пәриштиләрни, йәни Худаниң әрштики тәшкилатини билдүриду (Гал. 4:26, 31). Ибраһимниң келишимидә вәдә қилинғандәк, аялниң әвлади инсанийәткә бәрикәтләрни әкелиду.
Роһий гөһәрләрни издәйли
w09 1.4. 13-б.
Сиз биләмсиз?
Әйса Йәһваға дуа қилғанда немә сәвәптин Уни «Абба, Ата» дәп атиған?
Бәлким, Арамей тилидики «абба́» сөзи «мениң Атам» яки «һәй Атам» дегән мәнани билдүриду. Муқәддәс Язмиларда бу сөз үч қетим тилға елинған һәм дуада ишлитилгән. Бу сөзни қандақ чүшинишкә болиду?
Бир қамуста «Әйсаниң күнлиридә “абба́” дегән сөз җанлиқ тилда ишлитилгән. Шундақ қилип, пәрзәнт өз атисиға болған йеқин мунасивитини вә һөрмитини көрсәткән» (The International Standard Bible Encyclopedia). Кичик бала сөз қилишни үгинип, тунҗа еғизидин чиқидиған йеқимлиқ сөз «абба́» болған. Шуңа Әйса өз Атисиға ялвуруп дуа қилғанда, дәл шундақ сөзни қолланған. Мәсилән, Әйса өлүмигә бирнәччә саат қалғанда, Гетсиманә беғида Йәһва Худаға дуада «Абба, Атам» дәп ейтқан (Марк 14:36).
Шундақла, бу қамуста йезилғандәк, «Грек-рим дәвридә “абба́” сөзи йәһудийларниң әдәбиятлиридин аста-аста йоқилишқа башлиди. Сәвәви, шу вақитта шундақ сөз билән Худаға мураҗиәт қилиш бәк һөрмәтсизлик дәп һесапланған». Амма, Әйса дуа қилғанда «абба́» дегән сөзни ишлитип, Худа билән болған алаһидә йеқин мунасивитини ениқ көрсәткән. Шундақла, әлчи Паулниң хәтлиридә бу сөз икки қетим ишлитилгән. Буниңдин хуласә чиқиришқа болидуки, биринчи мәсиһийләр дуалирида «абба́» сөзини қолланған (Римлиқларға 8:15; Галатилиқларға 4:6).
w10 1.11. 15-б.
Сиз биләмсиз?
Әлчи Паул Әйсаниң «қулиниң тамғиси бар» дегән сөзләрни ейтқанда, немә демәкчи болған? (Галатилиқларға 6:17)
▪ Әлчи Паулниң замандашлири бу сөзләрни һәр түрлүк чүшәнгән болуши мүмкин. Мәсилән, қедимий заманларда қечип кәткән қулларға, ибадәт өйлирини булаңчилиқ қилғанларға вә тутқунға елинған әскәрләргә тамға бесилатти. Шундақ тамға кишигә бесилса, у шәрмәндичиликкә учратти.
Бирақ тамға бесиш һәр дайим сәлбий нәрсини билдүрмигән. Қедимда көплигән адәмләр тамға басқанда, өзиниң қандақту бир қәбилигә яки динға мәнсуп екәнлигини көрсәткән. Мәсилән, бир луғәткә бенаән «сурийәликләр» өзиниң Хадад вә Атаргатис намлиқ илаһларға беғишланғанлиғини көрситип, өз қолиға яки бойниға тамға басатти. Дионис илаһиға чоқинидиғанлар өз тенигә йөгимәч йопурмиғиниң шәкилидә тамға басқан.
Көплигән Муқәддәс китап чүшәндүргүчилириниң ейтишичә, Паулниң тенидики татуқлар тәқипләргә учриғанда, йегән таяқлардин қалған еди (Коринтлиқларға 2-хәт 11:23—27). Бирақ, Паул «қулниң тамғиси» дегән ибарини ейтқанда, у өзиниң мәсиһий һаят кәчүрүш тәрзи тоғрисида ейтқан болуши мүмкин.
10—16 июнь
ХУДА СӨЗИДИКИ ҒӘЗНӘ | ӘФӘСЛИКЛӘРГӘ 1—3
Йәһваниң ишларни башқуруши
it «Муқәддәс сир»/«Мәсиһ Падишалиғи»
Муқәддәс сир
Мәсиһ Падишалиғи. Паул өз хәтлиридә Мәсиһ һәққидики муқәддәс сирни толуқ рошән қилған. Әфәсликләргә 1:9—11дә, Худа Өзиниң ирадиси һәққидә муқәддәс сирни ашкарлиғанлиғи йезилған. Паул шундақла: «Бу сир У Өзиниң көңлигә пүккән хәйрихаһлиғиға мувапиқ болмақта, һәммини Мәсиһтә — асмандикиниму һәм йәрдикиниму — жиғип, бәлгүләнгән вақитларниң өтүши билән башқуруш үчүндур. Һә, униңда жиғишқа. Өз ирадиси бойичә барлиқ нәрсидә һәрикәт Қилғучиниң нийитигә маслашқан һалда алдин-ала бәлгүлинип, Мәсиһ билән бирликтә бизму мирасхорлар болуп тәйинләнгән екәнмиз»,— дәп қошти. Бу «муқәддәс сир» Мәсиһ Падишалиғи билән бағлиқ. «Асмандики» дегәнгә асман Падишалиғини мирас қилип алған кишиләр кириду. «Йәрдики» дегән Падишалиқниң қол астидики йәрдики кишиләрни өз ичигә алиду. Шундақла, Әйса шагиртлириниң диққитини муқәддәс сир Падишалиқ билән бағлиқ екәнлигигә ағдуруп: «Силәргә Худа Падишалиғиниң муқәддәс сирини чүшиниш берилгән»,— дәп ейтқан (Мк 4:11).
w12 15.7. 27, 28-б., 3, 4-абз.
Йәһва Өз аилә әзалирини жиғиватиду
3 Муса Исраил хәлқигә: «Тәңримиз Рәб Худавәндә Өзи бирдур»,— дәп ейтқан (Қ. ш 6:4). Йәһва Худа Өз ишлирини ирадисигә мас әмәлгә ашуриду. Шундақла, Йәһва Худа бәлгүләнгән вақит өткәндин кейин, һәммә әқиллиқ мәвҗудатларни [пәриштиләрни] бир аилә қилиш үчүн «ишларни башқурушни» орунлаштурған еди (Әфәсликләргә 1:8—10ни оқуң, ЙД). «Ишларни башқуруш» икки басқуч билән орунлиниду. Биринчи басқуч — асмандики җамаәтниң Беши Әйса Мәсиһниң қол астида һаят кәчүрүшкә майланған мәсиһийләрни тәйярлаш. Бу басқуч б.м. 33-жили Әллигинчи күн мәйримидин тартип башланған. Шу вақиттин тартип, Йәһва Худа Әйса билән асманда һөкүмранлиқ қилидиғанларни жиғишқа башлиған (Әлчиләр 2:1—4). Мәсиһниң төләм қурбанлиғиниң асасида майланғанлар һәққаний дәп җакалиниду һәм «Худаниң балилири» болидиғанлиғини билиду (Рим. 3:23, 24; 5:1; 8:15—17).
4 Иккинчи басқуч — Мәсиһ Падишалиғиниң қол астида йәрдики җәннәттә һаят кәчүрүшкә инсанларни тәйярлаш. Бу инсанларниң биринчи топи — «бүйүк көпчилик» (Вәһ. 7:9, 13—17; 21:1—5). Иккинчи топи — Мәсиһниң миңжиллиқ һөкүмранлиғида тирилдүрүлидиған миллиардлиған кишиләр (Вәһ. 20:12, 13). Шу вақитта, бизниң бирлигимиз қандақ ениқ көрүнидиғанлиғини тәсәввур қилип көрүңа! Миң жилдин кейин, «йәрдикиләрниң» һәммиси ахирқи синақни баштин кәчүриду. Шу вақитта, садиқ болуп қалғанлар Худаниң йәрдики балилириниң қатариға кириду (Рим. 8:21; Вәһ. 20:7, 8).
Роһий гөһәрләрни издәйли
w13 15.2. 28-б., 15-абз.
Худаниң шан-шәрипигә еришиш үчүн һечнәрсә тосалғу болмисун
15 Йәһва Худаниң ирадисини орунлашни қәтъий давамлаштуруш арқилиқ башқиларға Униң шан-шәрипигә еришишкә ярдәм беримиз. Паул Әфәстики җамаәткә: «Силәрдин өтүнүмәнки, мениң силәр үчүн тартқан азаплирим үчүн роһий чүшкүнлүккә берилмәңлар, чүнки булар — силәрниң шан-шәрипиңлардур»,— дәп ейтқан (Әфәс. 3:13). Қайси мәнада Паулниң «тартқан азаплири» әфәсликләр үчүн «шан-шәрәплик» болған? Әлчи Паул қийинчилиқларға қаримастин, Әфәстики қериндашларға тәйярлиқ билән хизмәт қилғанлиғи арқилиқ, улар үчүн мәсиһий болуш чоң шан-шәрәп вә һәммә нәрсидин муһим екәнлигини көрсәткән. Әгәр Паул қийинчилиқларға бәрдашлиқ берәлмигән болса, қериндашларниң нәзәридә уларниң Йәһва билән мунасивити, хизмити вә үмүти нәқәдәр муһим әмәс болуп қалар еди. Амма Паулниң тәқабил болғанлиғи, Мәсиһниң шагирти болуш үчүн һәрқандақ қурбанлиқларға бериш әрзийдиған иш екәнлигини көрсәткән.
cl 299-б., 21-абз.
«Мәсиһниң меһир-муһәббитини тонуп-билиш»
21 «Тонуп-билиш» дегән грек сөзи «әмәлийәттә, өз тәҗрибисидә» билиш дегәнни билдүриду. Әйса Мәсиһ башқиларниң мәнпәәтлирини өзүниңкидин жуқури қойған, һисдашлиқ билән уларниң еһтияҗлирини қанаәтләндүргән вә чин жүрәктин уларни кәчүргән. Биз Әйсаға охшаш һәрикәт қилсақ, униң немә һис қиливатқанлиғини һәқиқәтән чүшинәләймиз. Шундақ қилип, биз өз тәҗрибимиздә «билимләрдин ешип чүшидиған Мәсиһниң меһир-муһәббитини» тонуп-билимиз. Һәрдайим есимиздә шуни тутуш керәкки: Әйса Йәһва Худани мукәммәл түрдә үлгә қилди, шуңа Әйса Мәсиһтин үлгә алғансири, биз Йәһва Худаға техиму йеқинлишимиз.
17—23 июнь
ХУДА СӨЗИДИКИ ҒӘЗНӘ | ӘФӘСЛИКЛӘРГӘ 4—6
«Худа ата қилған қоғдиниш қураллири билән қураллиниңлар»
Яшлар, Иблисқа қарши туруңлар!
ӘЛЧИ ПАУЛ Худаниң хизмәтчилирини әскәрләр билән селиштурған. Биз әскәрләрдәк урушқа қатнишимиз. Амма инсанларға әмәс, Шәйтан вә униң җинлириға қарши чиқимиз. Улар бәк күчлүк дүшмәнләр. Шу сәвәптин, әгәр биз яш болсақ, бу җәңдә ғәлибә қилишимиз мүмкин әмәстәк көрүниду. Ундақта яшлар күчлүк дүшмәнләргә қарши җәңдә йеңәләмду? Әлвәттә! Улар һазирниң өзидә йеңиватиду! Улар Йәһваниң күчигә тайинип, «Худа әта қилған қоғдиниш қураллири билән» маһир җәңчиләрдәк қураллиниду. Шуниң үчүн улар җәңгә тәйяр (Әфәсликләргә 6:10—12ни оқуң).
w18.05 22, 23-б., 4, 7, 10-абз.
Яшлар, Иблисқа қарши туруңлар!
4 Бәлбағқа охшаш, Худа Сөзидики һәқиқәт бизни сахта тәлимләрдин қоғдайду (Йоһан 8:31, 32; Йоһанниң 1-хети 4:1). Муқәддәс китаптин үгәнгән һәқиқәтни яхши көргинимиздә, Худаниң өлчәмлиригә мас яшаш, йәни «савутимизни» кийип жүрүш, асанирақ болиду (Зәбур 111:7, 8; Йоһанниң 1-хети 5:3). Шуниң билән, һәқиқәтни яхши чүшәнгәнсири, дүшмәнлиримиз етиқадимизға қарши чиққанда, өз етиқадимизни қоғдашқа техиму тәйяр болалаймиз (Петрусниң 1-хети 3:15).
7 Йәһваниң һәққаний принциплири, йәни У орнатқан өлчәмләр, савутқа охшайду. Улар бизниң символлуқ «қәлбимизни» қоғдайду (Пәнд-нәсиһәтләр 4:23). Әскәр һечқачан өзиниң төмүр савутини аҗизирақ металлдин ясалған савутқа алмаштурматти. Шуниңдәк бизму һечқачан Йәһва яхши билән яман һәққидә бәлгүлигән өлчәмләрни өзүмизниң өлчәмлиригә алмаштурмаймиз. Бизниң даналиғимиз чәклик, өз жүригимизни қоғдалмаймиз (Пәнд-нәсиһәтләр 3:5, 6). Шу сәвәптин «савутимиз» жүригимизни қоғдаватқанлиғини пат-пат тәкшүрүп турушимиз керәк.
10 Чоруқ әскәргә урушта ярдәм бәргән, амма бизниң символлуқ чоруғимиз «течлиқ һәққидики хуш хәвәрни вәз қилишқа» ярдәм бериду (Йәшая 52:7; Римлиқларға 10:15). Шундақ болсиму, бәзидә вәз қилиш үчүн җасурлуқ керәк. 20 яшлиқ Роберто мундақ дәйду: «Немишкә екән өзүмму билмәймән, бурун синипдашлиримға вәз қилиштин бәкму қорқаттим. Бәлким, хиҗил болғанлиғимдин. Бирақ һазир тәңтушлиримға вәз қилишни яқтуримән».
w18.05 25, 26-б., 13, 16, 20-абз.
Яшлар, Иблисқа қарши туруңлар!
13 Шәйтан сизгә қандақ «отлуқ оқларни» яғдуриду? У сизни Йәһва һәққидә ялғанларға ишәндүрүшкә тиришиши мүмкин. Шәйтан сизниң «Йәһва мени яхши көрмәйду» яки «мениң билән һечкимниң кари йоқ», дәп ойлишиңизни халайду. 19 яшлиқ Ида мундақ дәйду: «“Йәһва мениңдин жирақ, у мениң Достум болушни халимайду” дегән ойлар пат-пат келәтти». Ида шундақ ойларда болғанда, немә қилатти? У мундақ давамлаштурди: «Учришишларға қатнишиш етиқадимни мустәһкәмләйду. Бурун учришишта һечқачан җавап бәрмәттим. Чүнки ейтқанлирим һечкимни қизиқтурмайду дәп ойлаттим. Һазир болса, мән яхши тәйярлиқ қилип, учришишта икки-үч қетим җавап беришкә тиришимән. Мән үчүн бу асан әмәс, лекин җавап бәргәндә, өзүмни яхширақ һис қилимән. Қериндашларму роһумни көтириду. Һәр қетим учришиштин чиққанда, Йәһваниң мени яхши көридиғанлиғини билимән».
16 Дубулға әскәрниң бешини қоғдиғандәк, «қутқузулушқа болған үмүтимиз» ой-пикримизни һимайә қилиду (Салоникилиқларға 1-хәт 5:8; Пәнд-нәсиһәтләр 3:21). Үмүт бизгә Худаниң вәдилирини әстә тутуп, қийинчилиқларға дуч кәлгәндә, роһумизниң чүшүп кәтмәслигигә ярдәм бериду (Зәбур 27:1, 14; Әлчиләр 24:15). Лекин үмүтимиз бизни қоғдишини халисақ, у тирик болуши керәк. Биз «дубулғини» қолумизда тутмай, бешимизға кийишимиз зөрүр!
20 Әлчи Паул Худа Сөзини қилич билән селиштурған. Бу «қилични» бизгә Йәһва Худа бәргән. Амма етиқадимизни қоғдаш үчүн вә көзқаришимизни түзитиш үчүн, биз уни устилиқ билән пайдилинишни үгинишимиз керәк (Коринтлиқларға 2-хәт 10:4, 5; Тимотийға 2-хәт 2:15). Худа Сөзидин пайдилиниш маһаритиңизни қандақ ашуралайсиз? 21 яшлиқ Себастьян мундақ дәйду: «Муқәддәс китапни оқуғанда, һәрбир баптин бир айәтни йезип қойимән. Әң яхши көридиған айәтләрни тизимлап қойимән». Бу Себастьянға Йәһваниң пикир қилиш тәрзини яхширақ чүшинишкә ярдәм бериду. Дэниел дегән яш қериндаш: «Муқәддәс китапни оқуп, вәз хизмәттә учрайдиған адәмләргә пайдилиқ болидиған айәтләрни таллаймән. Шуни байқидимки, Муқәддәс китап һәққидә қизғинлиқ билән сөзлигәндә вә уларға ярдәм беришкә тиришқинимда, адәмләр яхши инкас қайтуриду»,— дәп ейтиду.
Роһий гөһәрләрни издәйли
it «Муқәддәслик»/«Муқәддәс роһ»
Муқәддәслик
Муқәддәс роһ. Йәһва Худаниң һәрикәт күчи яки муқәддәс роһи, Униңға бойсуниду вә Униң ирадисини әмәлгә ашуриду. Бу роһ пак, сап, муқәддәс вә Худа Өз мәхсити үчүн буниңдин пайдилиниду. Шуңа у «муқәддәс роһ» дәп атилиду (Зб 51:11; Лқ 11:13; Рм 1:4; Әф 1:13). Худаниң муқәддәс роһи адәмгә тәсир қилғанда, шу адәм пак вә муқәддәс болушқа тиришиду. Әгәр кимду-бирси напак вә хата бирнәрсини қилишқа адәтлинип қалса, у муқәддәс роһни қайғуға салиду (Әф 4:30). Гәрчә муқәддәс роһниң өзиниң ой-пикири яки һиссияти болмисиму, униң роли Худаниң муқәддәс пәзилитини толуқ әкс әттүриду. Шуңа, муқәддәс роһ қайғуралайду. Әгәр кимду-бирси яман бир ишқа адәтлинип қалса, «роһниң ялқунини» өчүриветиши мүмкин (Сл1х 5:19). Шундақ адәм яман адитини ташлимиса, Худаниң муқәддәс роһини қайғуға салиду. Нәтиҗисидә, Худа униң дүшминигә айлинип, шу исиянчи адәмгә қарши болиду (Йша 63:10). Шундақла, муқәддәс роһни қайғуға салған киши чоңқур гунаға петип, һәтта униңға күпүрлүк қилиду. Әйсаниң ейтишичә, шундақ адәмниң һазир вә кәлгүсидиму гунаси кәчүрүм қилинмайду (Мт 12:31, 32; Мк 3:28—30).
it «Ачкөзлүк»/«Иш һәрикәттин көрүниду»
Ачкөзлүк
Иш һәрикәттин көрүниду. Ачкөзлүк кишиниң хата вә чекидин ашқан арзу-һәвәслирини көрситидиған очуқ-ашкарә иш-һәрикәтлиридә рошән ипадилиниду. Яқуп өз хетидә, яман «һәвәс һамилдар болуп, гунани туғиду, қилинған гуна болса, өлүмни туғиду» дәп ейтқан (Яқ 1:14, 15). Адәмниң ачкөзлиги иш-һәрикитидин тонулиду. Әлчи Паул, ачкөз адәм бутқа чоқунидиған адәмгә тәң болидиғанлиғини тәкитлигән (Әф 5:5). Ачкөз адәмниң бир нәрсигә болған қизиқиши нәқәдәр күчлүкки, униң үчүн шу нәрсә илаһтәк болиду. Һәтта у Яратқучиға болған ибадәтни вә хизмәтни иккинчи орунға қойиду (Рм 1:24, 25).
24—30 июнь
ХУДА СӨЗИДИКИ ҒӘЗНӘ | ФИЛИПИЛИКЛӘРГӘ 1—4
«Һечнәрсидин әндишә қилмаңлар»
«Һәрқандақ ой-пикирдин үстүн туридиған Тәңриниң течлиғи»
10 «Тәңриниң течлиғиға» егә болуп, «һечнәрсидин әндишә қилмаслиққа» немә ярдәм бериду? Паулниң филипиликләргә язған сөзлиридин көргинимиздәк, қандақту бир қийинчилиқни ойлап әнсиригинимиздә әң яхшиси — дуа қилиш. Шуңа вайимға берилгәндә, дуада ич-бағримизни Йәһваға төкәйли (Петрусниң 1-хети 5:6, 7ни оқуң). Йәһваға дуа қилғанда, униң ғемиңизни ойлайдиғанлиғиға ишәнчиңиз камил болсун. Униңға һәрбир яхшилиғи үчүн рәхмәт ейтиң. Шундақла Йәһва Худаниң «биз илтимас қилғинимиздин яки пәқәт ойлиғинимиздинму өлчигүсиз артуқ» берәләйдиғанлиғини һечқачан унтумаң (Әфәсликләргә 3:20).
«Һәрқандақ ой-пикирдин үстүн туридиған Тәңриниң течлиғи»
7 Филипидики қериндашлар Паулниң хетини оқуғанда, ойлириға немә кәлди? Бәлким, уларниң көпинчиси Паул билән Силасниң вақиәсини вә Йәһваниң уларға һечким күтмигәндәк ярдәмләшкәнлигини есиға алғанду. Паул хетидә уларни немигә үгәткиси кәлгән? У «һечнәрсидин әндишә қилмаңлар», бәлки дуа қилиңлар, шу чағда «һәрқандақ ой-пикирдин үстүн туридиған Тәңриниң течлиғиға» егә болисиләр демәкчи болған. Бу ибариниң мәнаси немә? Паул «Тәңриниң течлиғи» биз ойлиғандинму күчлигирәк екәнлигини ейтқуси кәлгән. Бәзидә бешимизға чүшкән қийинчилиқни қандақ һәл қилишни билмисәкму, Йәһва Худа билиду. У биз күтмигән нәрсини қилалайду (Петрусниң 2-хети 2:9ни оқуң).
«Һәрқандақ ой-пикирдин үстүн туридиған Тәңриниң течлиғи»
16 «Һәрқандақ ой-пикирдин үстүн туридиған Тәңриниң течлиғиға» еришкинимиздә немә болиду? Муқәддәс китапта йезилғандәк, у жүрәклиримиз һәм әқиллиримизни «сақлайду» (Филипиликләргә 4:7). Бу йәрдә «сақлайду» дәп тәрҗимә қилинған сөз түп нусха тилда әскәрдә ишлитилгән сөз болған. Бу сөз шәһәрни һимайә қилишқа тайинланған әскәрләргә тегишлик еди. Филипидикиләрни шундақ бир топ қоғдиған. Шуни билгәнликтин, шәһәр турғунлири кечиси хатирҗәм ухлалиған. Шуниңға охшаш, биздә «Тәңриниң течлиғи» болса, биз ғәмсиз болуп, жүрәклиримиз билән әқиллиримиз хатирҗәм болиду. Чүнки Йәһваниң бизгә ғәмхорлуқ қилидиғанлиғини вә бәхитлик һаят кәчүрүшимизни халайдиғанлиғини билимиз (Петрусниң 1-хети 5:10). Бу бизни ғәмгә берилиштин вә сәлбий һис-туйғулардин һимайә қилиду.
Роһий гөһәрләрни издәйли
it «Қурбанлиқ»/«Ичимлик қурбанлиғи»
Қурбанлиқ
Ичимлик қурбанлиғи. Исраиллар болупму Вәдә қилинған зәмингә маканлашқандин кейин, ичимлик қурбанлиғи билән биргә башқа көплигән қурбанлиқларни кәлтүргән (Сн 15:2, 5, 8—10). Бу ичимлик қурбанлиғи яки шарап (спиртлик ичимлик) қурбангаһниң үстигә чачатти (Сн 28:7, 14; Чқ 30:9; селиштуруң Сн 15:10). Әлчи Паул филипиядики етиқатдашларға: «Әгәр мән силәргә, етиқат әкәлгән хәлиқ хизмити үчүн қурбанлиққа қуюлуватқан ичимлик һәдийәсидәк [қурбанлиғидәк] төкүлүватсамму, силәр билән биллә хошал болуп шатлиниватимән»,— дәп язған. У ичимлик қурбанлиғини мисал кәлтүрүп, етиқатдашлири үчүн пүтүн вуҗиди билән өз җенини беришкә тәйяр екәнлигини көрсәткән (Фп 2:17). Паул өз өлүмигә аз қалғанда, Тимотийға: «Мән болсам, ичимлик һәдийәсидәк [қурбанлиғидәк] төкүлүватимән вә мениң азатлиниш вақтим йеқинлашти»,— дәп язған (Т2х 4:6).
w07 1.1. 26-б., 5-абз.
«Дәсләпки тирилиш» башланди
5 Иккинчидин, майланған мәсиһийләр, йәни «Худаниң Исраил» хәлқиниң әзалири, Әйса Мәсиһ билән биллә асманда шан-шәрәптә җәм болуши керәк (Галатилиқларға 6:16; Салоникилиқларға 1-хәт 4:17). Бу вақиә «дәсләпки тирилиш» яки «биринчи тирилиш» дәп атилиду (Филипиликләргә 3:10, 11; Вәһий 20:6). Шу тирилиш аяқлашқанда, йәр йүзидики җәннәттә мәңгү яшаш пурсити бар миллионлиған кишиләрниң тирилдүрүлүш вақти келиду. Асманда яки йәрдә яшаш үмүтимиз болушидин қәтъийнәзәр, «дәсләпки тирилиш» бизни қизиқтуриду. Бу қандақ тирилиш? У қачан башланди?