Мисирдин чиқиштин, Исраилниң тунҗа падишасиғичә

Муса пәйғәмбәр исраилларни башлап Мисирдики қуллуқтин қутқузуп Синай теғиға йетип кәлгәндә, Худа уларға қанун чүшәрди. Кейин, Муса Қанан зиминини чарлап келиш үчүн 12 кишини пайлақчилиққа әвәтти. Бирақ, уларниң арисидики 10 киши пайдисиз мәлумат елип кәлди. Шуниң билән, хәлиқ Мисирға қайтип кәтмәкчи болушти. Иман-етиқатиниң аҗизлиғидин Йәһва Худа исраилларни җазалиди; улар 40 жил чөлдә мусапир болуп жүрди.

Әң ахирида, исраилларни Қанан зиминиға башлап киришкә Йәшу талланди. Йәһва исраилларниң шу зиминға егә болушиға ярдәм берип, мөҗүзиләрни көрсәтти. Йәни, Иордан дәриясиниң сүйини тохтатти; Ериха шәһириниң тамлирини өрди; қуяшни пүтүн күн бир җайда тохтитип турди. Алтә жилдин кейин, шу зимин қананлиқлардин тартип елинди.

Йәшудин башлап, Исраил 356 жил һакимларниң башқурушида болди. Биз һакимларниң бәзилири, йәни Барақ, Гидеон, Жифтах, Шимшон вә Самуиллар тоғрисида үгинимиз. Биз йәнә Раһаб, Дебора, Яел, Рут, Наоми вә Диләйлаһ дегән аяллар һәққидә оқуймиз. 3-қисим, җәми 396 жиллиқ тарихий вақиәни өз ичигә алған.