Худа — әң яхши дост

Худа дости болуш халайдиған нәрсиләрниң әң артуғидур. Худа сизни қандақ қилип бәхитлик болушқа вә тәшвишсиз яшашқа үгитиду. У сизни нурғун ялған илимлардин вә зиян кәлтүридиған ишлардин азат қилиду. Сизниң дугалириңизни тиңшайду. У сизгә жүригиңиздики течлиққа вә ишәшликкә хурсән болушқа ярдәм бериду (Зәбур 70:5; 72:28). Қайғу-һәсрәт вақтида Худа сизгә йөләк болиду (Зәбур 17:19). Шуңдақла Худа сизгә мәңгү һаятни соға сүпитидә тәғдим қиливатиду (Римлиқларға 6:23).

Худа билән йеқинлишип, сиз Униң достлири биләнму йеқинлишалайсиз. Уларму сизниң достлириңиз болалайду. Һәтта улар сизгә ака-укилар вә һәдә-сиңиллар болиду. Улар сизни Худа тоғрисида үгитидиғиниға хошал болиду, ярдәмлишиду вә йөләйду.

Биз Худа билән тәң әмәс. Сиз Худа билән достлуқни издигәндә, бир асасий нәрсини чүшүнүшиңиз керәк. Худа билән болған достлуқ — бу баравәр достлуқ әмәс. У бизгә қариғанда наһайити чоң, дана вә күчлүк. Һәқиқәтән, У бизниң һакимдаримиз. Шуниң үчүн биз Униң дости болғумиз кәлсә, биз Униң сөзигә киришимиз вә дегинини қилишимиз керәк. Бу бизгә дайим бәхит-саадәт елип келиду (Йәшая 48:18).