МӘСИҺИЙ ҺАЯТИМИЗ
Йәһва Худаға чин жүрәктин соға берәйли
Бүгүнки күндә қандақ қилип Йәһва Худаға өз ихтияримиз билән соға берәләймиз? (Т1я 29:5, 9, 14) Төвәндә Йәһва гувачилириниң паалийитини йәрлик вә дуниявий дәриҗидә қоллаш үчүн ианә қилишниң бирнәччә йоллири көрситилгән.
ТОР АРҚИЛИҚ ҚИЛИНҒАН ВӘ САНДУҚЧИЛАРҒА СЕЛИНҒАН ИАНИЛӘР ТӨВӘНДИКИ ИШЛАР ҮЧҮН ИШЛИТИЛИДУ:
ДУНИЯВИЙ ПААЛИЙӘТНИ ҚОЛЛАШ
Филиал беналирини вә жирақлаштурулған тәрҗимә идарилирини қуруш вә ремонт ишлирини қилиш
Теократиялиқ мәктәпләрни өткүзүш
Мәхсус толуқ вақитлиқ хизмәтчиләрни тәминләш
Тәбиий апәтләрдин зәрдап чәккәнләргә ярдәм бериш
Әдәбиятларни бесип чиқириш, видеоларни вә электронлуқ әдәбиятларни нәшир қилиш
ҖАМАӘТНИҢ ЧИҚИМИНИ КӨТИРИШ
Җамаәтниң чиқимини көтириш вә Ибадәт өйидә ремонт ишлирини қилиш
Җамаәтниң қарари бойичә филиалға төвәндикиләр үчүн ианиләр әвәтилиду:
дуния йүзи бойичә Ибадәт өйлирини вә Конгресс сарайлирини қуруш
дуния йүзлүк ярдәм бериш программисини қоллаш
дуния йүзи бойичә жүргүзүливатқан башқа паалийәтләрни қоллаш
КОНГРЕССЛАР
Регионлуқ конгрессларда қилинған ианиләр дуниявий паалийитимизни қоллаш үчүн әвәтилиду. Қериндашлиримиз бу ианиләрни ишлитип, регионлуқ, мәхсус вә хәлиқара конгрессларни өткүзиду.
Наһийилик конгрессларда қилинған ианиләр конгресс өткүзилидиған җайниң иҗарисини төләшкә вә шу җайни яхши һаләттә тутушқа, тазилашқа вә наһийиниң башқа чиқимини көтиришкә ишлитилиду. Бир наһийиниң җамаәтлири қалған ианиләрни Йәһва гувачилириниң дуниявий паалийитини қоллаш үчүн әвәтиши мүмкин.