«Һаятимиз вә хизмитимиз. Иш дәптири» үчүн мәлумат мәнбәлири
2—8 ноябрь
ХУДА СӨЗИДИКИ ҒӘЗНӘ | ЧИҚИШ 39, 40
«Муса көрсәтмиләргә пухта әмәл қилған»
w11 15/9 27-б., 13-абз.
Йәһва сизни яхши биләмду?
13 Муса болса, «йәрдики яшаватқан барлиқ адәмләрниң ичидики әң мулайим инсан» еди (Сан. 12:3). Униң мулайимлиғи вә кәмтәрлиги Йәһваниң көрсәтмилиригә бойсунғанлиғидин көрүнгән (Чиқ. 7:6; 40:16). Муса Йәһва Худаниң қарарлиридин гуман қилғанлиғи яки тәләплирини орунлиғуси кәлмигәнлиги һәққидә һеч йәрдә йезилмиған. Йәһва Худа Муқәддәс чедирниң ясилишиға мунасивәтлик тәпсилий көрсәтмиләрни бәргән. Мәсилән, қандақ жипни ишлитиш вә зәдивалниң қанчә илмиги болуши керәклиги тоғрилиқ ейтқан (Чиқ. 26:1—6). Йәһваниң тәшкилатида мәсъулийәтлик бурадәр сизгә бәк тәпсилий болуп көрүнгән көрсәтмиләрни бәрсә, бу сизни териктүриши мүмкин. Бирақ Йәһва мукәммәл назарәтчи. У Өз хизмәтчилиригә вәзипиләрни ишәнч қилип тапшуриду. Әгәр Йәһва қандақту бир көрсәтмиләрни бәрсә, буниң муһим сәвәплири бар. Йәһва Худа Муса пәйғәмбәргә тәпсилий көрсәтмиләрни бәргәндә, у Йәһва униң абройини чүшүрүп, әркинлигини чәклигән дәп ойлимиған. Муса Муқәддәс чедирни ясиған кишиләрниң Йәһва буйриғандәк һәммини «дәл шундақ» қилғанлиғиға көз йәткүзгән (Чиқ. 39:32). Муса немә дегән кәмтәр киши болған-һә! Муса пәйғәмбәр бу Йәһва Худаниң иши екәнлигини вә өзиниң Худаниң қолида пәқәт әсвап-қурал болғанлиғини етирап қилған.
w05 15/7 26-б., 3-абз.
Һәр вақитта садақәтмән болуң
3 Ибранийларға 3:5тә йезилғандәк, Муса «хизмәткардәк садиқ» болған. Немә үчүн Муса пәйғәмбәр тоғрилиқ шундақ ейтишқа болиду? Муқәддәс чедирни ясиғанда, «Муса һәммә нәрсини Йәһва буйруғинидәк қилди». Нәқ шундақ қилди (Чиқиш 40:16). Йәһва Худаға садақәтмәнлигимизни Униңға итаәт қилиш арқилиқ көрситимиз. Буниң ичигә қийинчилиқларға яки еғир синақларға дуч кәлгәндиму, Йәһваға садиқ болуп қелиш кириду. Бирақ қийинчилиқларға бәрдашлиқ бериш садақәтмәнлигимизни көрситишниң ялғуз йоли әмәс. Әйса мундақ дегән: «Кичиккинә нәрсидә садиқ болған киши, көп нәрсидиму садиқ болиду» (Луқа 16:10). Демәк, анчә муһим әмәстәк көрүнгән нәрсиләрдә садиқ болуп қелишимиз керәк.
Роһий гөһәрләрни издәйли
it «Тюлень териси»/«Исраиллар тюлень терисини нәдин алған», 1-абз.
Тюлень териси
Исраиллар тюлень терисини нәдин алған? Муқәддәс китапта та́хаш дегән сөз тюленьниң қандақту бир түри тоғрилиқ йезилған болса, исраиллар тюленьниң терисини нәдин алған дәп ойлайдиғансиз. Адәттә, тюленьлар тоғрилиқ аңлиғанда, бирдин Арктика яки Антарктика ядимизға келиду. Бирақ бәзи тюленьлар иссиқ климатта яшайду. Бүгүнки күндиму монах-тюленьлар Оттура деңиз вә башқа илман суларда яшайду. Әсирләр бойи адәмләр тюленьларни өлтүргәнликтин, уларниң сани бәк азайди. Бирақ қедимда улар Оттура деңиз вә Қизил деңиз әтрапида көп болған. 1832-жили нәшир қилинған бир китапта мундақ дәп йезилған еди: «Тюленьлар Синай йерим арилиниң әтрапидики Қизил деңизниң нурғун араллирида учрайду» (Calmet A. Dictionary of the Holy Bible. 1832. С. 139; см. также: Pollock A. J. The Tabernacle’s Typical Teaching. Лондон. С. 47).
w15 15/7 21-б., 1-абз.
Сизниң әмгигиңизни ким байқайду?
Муқәддәс чедир ясилип болғандин кейин, «булут жиғин чедирини йепип, Йәһваниң шан-шөһрити Муқәддәс чедирни толтурди» (Чиқ. 40:34). Бу Йәһва Худаниң өз хизмәтчилиридин рази екәнлигиниң бәлгүси болған. Шу чағда Весилиил билән Аголиав өзлирини қандақ һис қилғанлиғини тәсәввур қилип көрәләмсиз? Уларниң исимлири өзлири ясиған нәрсиләрдә йезилған болмисиму, Йәһва Худа уларниң әмгигигә бәрикәт бериватқанлиғини көрүп бәк хурсән болған еди (Пәнд н. 10:22). Уларниң қол һүнириниң узақ вақит давамида Йәһваниң ибадитидә ишлитилгәнлигидин бәк хошал болғанлиғи сөзсиз. Весилиил билән Аголиав йеңи дунияда тирилгәндә, Муқәддәс чедирни пак ибадәттә 500 жил пайдиланғанлиғини билип, интайин хошал болидиғанду!
9—15 ноябрь
ХУДА СӨЗИДИКИ ҒӘЗНӘ | ЛАВИЙЛАР 1—3
«Қурбанлиқларниң мәхсити»
it «Қурбанлиқлар»/«Көйдүрмә қурбанлиқ», 1-абз.
Қурбанлиқлар
Көйдүрмә қурбанлиқ. Көйдүрмә қурбанлиқ Худаға толуғи билән әкелинәтти вә қурбанлиқ елип кәлгән киши униң һечқандақ қисмини өзигә алматти (Һк 11:30, 31, 39, 40ни селиштуруң). Бәзидә көйдүрмә қурбанлиқ вә гуналар үчүн қурбанлиқ биллә әкелингән. Көйдүрмә қурбанлиқни әкәлгәндә, киши Йәһва Худаға мураҗиәт қилип, униң гуналар үчүн қилған қурбанлиғини қобул қилишини яки қобул қилған-қилмиғанлиғини көрситишини сориған. Әйса «көйдүрмә қурбанлиқ» сүпитидә өзини пүтүнләй тәғдим қилған.
it «Қурбанлиқлар»/«Нан һәдийәси»
Қурбанлиқлар
Нан һәдийәси. Нан һәдийәси течлиқ қурбанлиқ, көйдүрмә қурбанлиқ вә гуна үчүн қурбанлиқ билән биллә дәсләпки мевә сүпитидә әкелингән. Бәзидә уни айрим әкелишкиму болатти (Чқ 29:40—42; Лв 23:10—13, 15—18; Сн 15:8, 9, 22—24; 28:9, 10, 20, 26—28; 29-бап). Нан һәдийәси Худаниң Исраил хәлқигә бәрикитини мол төккәнлигини вә Униң мәртлигини ипадилигән. Нан билән биллә май вә мәстәк әкелинәтти. Бу қурбанлиқларға әң яхши ун, қорулған башақлар, очақта яки майда пиширилгән петир тоғачлар кирәтти. Бу қурбанлиқниң йеримини қурбангаһта көйдүрәтти, қалған йеримини роһанийлар йәтти. Әгәр нан һәдийәси течлиқ қурбанлиғи сүпитидә әкелингән болса, уни роһанийлар билән биллә шу қурбанлиқни тәғдим қилған киши йәтти (Лв 6:14—23; 7:11—13; Сн 18:8—11). Қурбанлиққа әкелингән нан һәдийәсигә ечитқу яки «һәсәл» қошулмаслиғи керәк еди (бәлким «һәсәл» әнҗирниң яки қандақту бир мевиниң ширинини билдүргән) (Лв 2:1—16).
it «Қурбанлиқлар»/«Течлиқ қурбанлиғи», 1-абз.
Қурбанлиқлар
Течлиқ қурбанлиғи. Йәһва Худа мақул көргән течлиқ қурбанлиғи Униң билән болған яхши мунасивәтни билдүрәтти. Қурбанлиқни әкелиш мәрасимиға қурбанлиқни тәғдим қилған киши вә униң аилиси қатнашқан (Муқәддәс чедирниң һойлисида; әнъәнә бойичә, һойлини қоршап турған пәрдиниң ички тәрипидә чедирлар орнитилған; ибадәтханида ашханилар болған). Әкелингән қурбанлиқниң бир бөлигини уни әкәлгән роһаний алатти. Башқа бөлигини болса, Муқәддәс чедирда хизмәт қилған башқа роһанийлар алатти. Көйдүрүлгән майниң пуриғи Йәһва Худа үчүн хушпурақтәк болатти. Һаятни билдүридиған қанни Йәһва Худаға тәәллуқ дәп, Униңға қайтуратти. Шундақ қилип роһаний, қурбанлиқни әкәлгән киши вә униң аилиси Йәһва Худа билән биллә шу ғизани йегәндәк болуп, өзара яхши мунасивәттә болғанлиғини көрситәтти. Әгәр ғизани йегән киши Қанун бойичә қандақту бир сәвәп билән напак болса, яки хели вақит сақланған гөшни йесә (күн иссиқ йәрләрдә гөш чапсан бузулатти), өлүм җазасиға кесиләтти. Сәвәви, шундақ киши өзи напак болғачқа яки Йәһва напак дәп һесаплиған нәрсини йегәчкә, ғизани булғатти. Шундақ һәрикити билән у Йәһва Худаға һөрмәтсизлик көрсәткән еди (Лв 7:16—21; 19:5—8).
Роһий гөһәрләрни издәйли
w04 15/5 22-б., 1-абз.
Лавийлар китавидики пайдилиқ ой-пикирләр
2:13: Немә үчүн һәрбир һәдийә билән туз елип келиш керәк еди? Тузни қурбанлиқниң тәмини яхшилитиш үчүн ишләтмигән. Адәттә туз бир нәрсини бузулуштин сақлаш үчүн қоллинилған. Туз бирәр нәрсиниң чирип кәтмигәнлигини яки бузулмиғанлиғини билдүргәчкә, қурбанлиқ билән биллә елип келингән.
it «Яғ»/«Қанун үчүн асас»
Яғ
Қанун үчүн асас. Қанун келишими бойичә қан билән яғ пүтүнләй Йәһва Худаға тәәллуқ болған. Қан һаятни билдүргән. Һаятни болса, пәқәт Йәһва Худа берәләйду. Шу сәвәптин қан Униңға мәнсүп (Лв 17:11, 14). Яғ һәрқандақ һайванниң әң яхши қисми болуп һесапланған. Қурбанлиққа яғни елип кәлгән киши қурбанлиқниң әң яхши қисми мол бәрикәт бәргүчи Йәһва Худаға тәәллуқ екәнлигини етирап қилғанлиғини вә Униңға қолида бариниң әң яхшисини беришни халайдиғанлиғини көрсәткән. Шуңа Муқәддәс китапта яғ қурбангаһта «таам» вә «хушпурақлиқ» сүпитидә көйдүрүлгәнлиги йезилған (Лв 3:11, 16). Шу сәвәптин кимду-бирси яғни йегән болса, у Йәһваға мәнсүп нәрсини елип, Униң һоқуқиға һөрмәтсизлик көрсәткән болатти. Яғни йегән киши өлүм җазасиға һөкүм қилинатти. Бирақ яғниң қанға охшимайдиған йери, өлүк малниң яки жиртқуч һайван талавәткән малниң йеғини йейишкә болмисиму, уни башқа мәхсәтләрдә ишлитишкә болатти.
w04 15/5 22-б., 2-абз.
Лавийлар китавидики пайдилиқ ой-пикирләр
3:17: Яғ малниң әң яхши вә қиммәт қисми болуп һесапланғачқа вә қурбанлиқниң әң яхши қисми Йәһваға мәнсүп болғачқа, исраилларға уни йейишкә мәнъий қилинған (Яритилиш 45:18). Бу Йәһва Худаға әң яхшисини беришимиз керәклигини есимизгә салиду (Пәнд-нәсиһәтләр 3:9, 10; Колосилиқларға 3:23, 24).
16—22 ноябрь
ХУДА СӨЗИДИКИ ҒӘЗНӘ | ЛАВИЙЛАР 4, 5
«Йәһваға әң яхшисини бериң»
it «Қурбанлиқлар»/«Әйип үчүн қурбанлиқ»
Қурбанлиқлар
Әйип үчүн қурбанлиқ. Әйип үчүн қурбанлиқ гуна билән бағлиқ болғанлиқтин, гуна үчүн әкелинидиған қурбанлиққа ятатти. Бу қурбанлиқларни адәм қандақту бир алаһидә гуна үчүн әйиплик болуп қалған чағда әкеләтти. Бу қурбанлиқлар бирсиниң һоқуқини әксигә кәлтүргән, шуңа башқа қурбанлиқлардин пәриқләнгән. Әйип үчүн қурбанлиқ Йәһва Худаниң яки Униң хәлқиниң һоқуқи бузулған вәзийәтләрдә әкелинәтти. Йәһваниң һоқуқини бузған яки келишим түзгән адәмниң һоқуқини бузған, бирақ товва қилған киши әйип үчүн қурбанлиқни әкеләтти. Яки болмиса гуна үчүн җазадин бошитилиш үчүн қурбанлиқ әкеләтти (Йша 53:10ни селиштуруң).
w09 1/6 26-б., 3-абз.
Йәһва имканийитимизниң чәклик екәнлигини билиду
Тәврат қанунида Йәһва Худаниң көйүмчанлиғи мундақ тәкитләнгән: «Әгәр у қой әкәлгидәк әһвали болмиса, өз гунайи үчүн Йәһваға икки пахтәкни яки икки яш кәптәрни елип кәлсун» (7-айәт). «Әһвали болмиса» дегән ибарини «мүмкинчилиги болмиса» дәпму чүшәндүрүшкә болиду. Бирәр исраил киши бәк кәмбәғәл болуп қойни қурбанлиққа әкеләлмисә, Худа у берәлигән нәрсини, мәсилән, икки кәптәрни яки икки пахтәкни хошаллиқ билән қобул қилатти.
w09 1/6 26-б., 4-абз.
Йәһва имканийитимизниң чәклик екәнлигини билиду
Әгәр адәмниң һәтта икки яш кәптәрни әкелишкә мүмкинчилиги болмисичу? Ундақ болса, Қанун бойичә киши «гунайи үчүн буғдай униниң бир ефасиниң онинчи қисмини» бериши керәк еди (11-айәт). Бәк кәмбәғәл кишиләр үчүн Йәһва Худа қансиз қурбанлиқларни әкелишкә рухсәт қилатти. Шундақ қилип қедимий Исраилда һәтта кәмбәғәл адәмләрму гунаниң кәчүрүлүшигә еришип, Худа билән яхши мунасивәттә болалатти.
Роһий гөһәрләрни издәйли
w16.02 29-б., 14-абз.
Йәһваниң садиқ хизмәтчилиридин үлгә елиң
14 Биринчи новәттә кимгә садиқ болуп қелиш керәклигини таллиғанда, меһрибанлиқ бизгә тоғра қарар қилишқа ярдәм бериду. Мәсилән, сизгә бирсиниң җиддий гуна қилип қойғанлиғи мәлум болди дәйли. У сизниң йеқин достуңиз яки туққиниңиз болса, униңға садиқ болуп қелиш тоғра болиду дәп ойлишиңиз мүмкин. Бирақ әгәр сиз униң гунасини йошурсиңиз, Йәһваға садиқ болуп қалалмайсиз. Әлвәттә, биринчи новәттә Йәһваға садиқ болуп қелиш керәк. Шуңа, Натан пәйғәмбәргә охшаш, меһрибан болуң, лекин қәтъий һәрикәт қилиң. Гуна қилған достуңизни яки туққиниңизни ақсақаллардин ярдәм сорашқа дәвәт қилиң. Әгәр у бәлгүлүк вақит давамида шундақ қилмиса, гуна тоғрилиқ ақсақалларға ейтип бәрсиңиз, Худаға болған садиқлиғиңизни көрситисиз. Ақсақаллар уни мулайимлиқ билән түзәйду. Шундақ қилип, сиз Йәһваға вә достуңизға яки туққиниңизға болған садиқлиғиңизни испатлалайсиз (Лавийлар 5:1; Галатилиқларға 6:1ни оқуң).
it «Муқәддәслик»/«Һайванатлар вә һосул»
Муқәддәслик
Һайванатлар вә һосул. Қой, өшкә вә калиниң тунҗилири Йәһва Худаға тәәллуқ болған вә улар үчүн төләм елишқа болматти. Уларни қурбанлиққа әкелиш керәк еди вә уларниң бир бөлиги муқәддәс қилинған роһанийларға бериләтти (Сн 18:17—19). Тунҗа һосул, ондин бир үлүш, Муқәддәс чедирда ишлитилгән қурбанлиқлар вә һәдийәләр муқәддәс болған (Чқ 28:38). Буларниң һәммиси муқәддәс болған, уларни налайиқ яки күндилик турмушта ишлитиш рухсәт қилинматти. Буни ондин бир үлүш тоғрилиқ қанундин биләләймиз. Әгәр бир киши һосулиниң бир бөлигини, мәсилән буғдайни, ондин бир үлүш сүпитидә аҗритип қойса, кейин өзи яки өйдикилириниң бирси билмәстин уни күндилик турмушта, бәлким тамақ тәйярлаш үчүн ишләтсә, у киши Худаниң муқәддәсликкә мунасивәтлик қанунини бузған болатти. У нуқсансиз қойни қурбанлиққа әкелиши керәк еди. Шундақла кәлтүрүлгән зәрәрниң орнини толдуруп, униңға 20 процент қошуши керәк еди. Бу қанун адәмләрни Йәһваға тәәллуқ муқәддәс нәрсиләрни чоңқур һөрмәтләшкә дәвәт қилатти (Лв 5:14—16).
23—29 ноябрь
ХУДА СӨЗИДИКИ ҒӘЗНӘ | ЛАВИЙЛАР 6, 7
«Миннәтдарлиқ билдүрүң»
Ләвийләр китавидин немини үгинимиз?
9 Иккинчи савақ: Биз Йәһваға миннәтдар болғачқа, Униңға хизмәт қилимиз. Буни чүшиниш үчүн исраиллар тәғдим қилған течлиқ қурбанлиғи тоғрилиқ көпирәк биливалайли. Ләвийләр китавида йезилғандәк, исраиллар течлиқ қурбанлиғини «шүкүр қурбанлиғи» сүпитидә әкеләтти (Ләв. 7:11—13, 16—18). Улар бу қурбанлиқни мәҗбурий әмәс, өзлири халап әкәлгән. Демәк, улар ихтиярий қурбанлиқларни Йәһвани яхши көргәнликтин елип кәлгән. Қурбан қилинған малниң гөшини уни әкәлгән киши, униң өйидикилири вә роһанийлар йегән. Лекин малниң бәзи қисимлири пәқәт Йәһва Худағила берилгән.
w00 15/8 15-б., 15-абз.
Йәһва Худа мақул көридиған қурбанлиқлар
15 Өз ихтияри билән әкелинидиған қурбанлиқниң йәнә бир түри Лавийлар китавиниң 3-бабида тилға елинған течлиқ қурбанлиғи болған. Қедимий ибраний тилиға тәрҗимә қилған «течлиқ» дегән сөз пәқәт урушниң яки қалаймиқанчилиқниң болмиғанлиғини билдүрмәйду. Бир китапта йезилғандәк, бу сөзниң йәнә бир мәнаси бар. У Худа билән яхши мунасивәт, молчилиқ, хошаллиқ вә бәхитни билдүриду (Studies in the Mosaic Institutions). Демәк, течлиқ қурбанлиғини Худа билән яхши мунасивәтни орнитиш үчүн әмәс, бәлки Йәһваниң разилиғиға еришкән адәмләр сүпитидә Униң билән болған яхши мунасивәт үчүн миннәтдарлиқни вә хошаллиқни билдүрүш үчүн әкәлгән. Қан вә майни қурбанлиққа әкелип болғандин кейин роһаний вә қурбанлиқни әкәлгән киши униң гөшини йейиши керәк еди (Лавийлар 3:17; 7:16—21; 19:5—8). Бу образлиқ мәнаға толған чирайлиқ мәрасим болған. Бу мәрасимға қурбанлиқни әкәлгән киши, роһанийлар вә Йәһва Худа қатнашқан вә бу уларниң өз ара яхши мунасивәттә екәнлигини көрсәткән.
w00 15/8 19-б., 8-абз.
Йәһва Худа мақул көридиған мәдһийиләш қурбанлиқлири
8 Қурбанлиқни елип кәлгән киши тоғрилиқ немә ейтишқа болиду? Қанунға асасән, Йәһва Худаниң алдиға кәлгән һәрбир киши пак вә нуқсансиз болуши керәк. Қандақту бир сәвәпләр билән напак болуп қалған инсан, биринчи новәттә Худаниң алдида пак болуш үчүн гунаси яки әйиви үчүн қурбанлиқни тәғдим қилиши керәк еди. Шу чағда Йәһва Худа көйдүрмә яки течлиқ қурбанлиғини қобул қилатти (Лавийлар 5:1—6, 15, 17). Демәк, Йәһва Худаниң алдида һәрдайим пак болуш бәк муһим. Әгәр Йәһва Худа бизниң ибадитимизни қобул қилишини халисақ, хаталиғимизни түзәш үчүн чапсан һәрикәт қилишимиз керәк. Шундақ вәзийәттә дәрру Йәһва Худа һәдийә сүпитидә бәргән ақсақалларниң ярдимини қобул қилип, Әйса Мәсиһниң төләм қурбанлиғиға ишәнч билдүришимиз лазим (Яқуп 5:14; Йоһанниң 1-хети 2:1, 2).
Роһий гөһәрләрни издәйли
it «От»/«Муқәддәс чедир вә ибадәтханида», 1-абз.
От
Муқәддәс чедир вә ибадәтханида. Дәсләптә от Муқәддәс чедирда, кейин болса, ибадәтханида Йәһва Худаға ибадәт қилиш үчүн ишлитилгән. Һәр күни әтигәнлиги вә икки кәчниң арисида, роһаний исриқни қурбанлиқта көйдүрүши керәк еди (Чқ 30:7, 8). Худаниң қануни бойичә, қурбангаһтики от көйүп, һечқачан өчүрүлмәслиги керәк еди (Лв 6:12, 13). Йәһудийларниң әнъәниси бойичә, дәсләптә қурбангаһтики отни Йәһва Худаниң Өзи мөҗүзә арқилиқ яндурған. Амма Муқәддәс Язмилар буни тәстиқлимәйду. Әң бешида Йәһва Худа Мусаға шундақ буйруқ бәргән еди: «Һарун роһанийниң оғуллири қурбангаһқа от йеқип, отунларни униң үстигә тизсун» (Лв 1:7, 8). Мални қурбангаһқа қоюштин авал, улар қурбангаһтики отни яндуриши керәк еди. Һарунниң роһанийлиғини орнитиштин кейинла, керәклик қурбанлиқлар әкәлингәндин кейин, асмандин от чүшүп, қурбанлиқни жутувәткән (от бәлким Муқәддәс чедирниң үстидә турған булут түвригидин чиққан болса керәк). Бу от қурбангаһтики отни пәқәт яндурупла қоймай, бәлки қурбангаһтики көйдүрмә қурбанлиқни вә майни толуғи билән жутувәткән. Қурбангаһтики от Худадин чүшкән от вә бешида қурбангаһта йенип турған отниң арилишиши нәтиҗисидә пәйда болған болуши мүмкин еди (Лв 8:14—9:24). Шуниңға охшаш, ибадәтхана беғишланған чағда Сулайман падишаниң дуасидин кейин Йәһвадин чүшкән от қурбанлиқларни дәрру көйдүрүвәткән (Т2я 7:1; Һк 6:21; П1я 18:21—39; Т1я 21:26дики айәтләрдә Йәһва Өз хизмәтчилириниң қурбанлиқлирини қобул қилип, от әвәткәнлиги тоғрилиқ вақиәләр йезилған).
si 29-б., 15-абз.
Муқәддәс китапниң үчинчи китави — Лавийлар
15 (3) Адәм билмәстин гуна қилип қойғанда, гуна үчүн қурбанлиқни әкелиши керәк еди. Қурбанлиққа қандақ мал әкелингәнлиги кимниң гуна қилғанлиғиға бағлиқ болған. Роһаний, пүткүл хәлиқ, әмәлдарлар яки аддий бир кишиниң гунаси үчүн һәрхил қурбанлиқлар әкелингән. Мәсилән, көйдүрмә вә ихтиярий қурбанлиқни әкелиш яки әкәлмәсликни кишиниң өзи қарар қилатти, амма гуна үчүн қурбанлиқни әкелиш шәрт болған (4:1—35; 6:24—30).
30-ноябрь—6-декабрь
ХУДА СӨЗИДИКИ ҒӘЗНӘ | ЛАВИЙЛАР 8, 9
«Йәһва Худаниң бәрикитиниң испати»
it «Беғишлаш»/«Роһанийларни беғишлаш», 4-абз.
Беғишлаш
Муса Һарунни вә униң оғуллири Надаб, Абиһуд, Елиазар һәм Итамарға һойлидики мис күмүч даста жуюнушни буйриған, кейин Һарунға роһанийларниң әҗайип кийимини кийгүздүргән (Сн 3:2, 3). Һарунниң чирайлиқ кийими атқуридиған хизмитигә вә дәриҗисигә мас болған. Буниңдин кейин Һарун Муқәддәс чедир вә униңдики һәммә буюмларни, қурбангаһни, дасни вә башқиму буюмларни муқәддәслигән. Шундақ қилип, бу буюмлар алаһидә бир мәхсәткә ишлитилиши үчүн аҗритилған еди. Әнди уларни Худаға ибадәт қилишта ишлитишкә болатти. Шуниңдин кейин Муса Һарунниң бешиға май қуюп, уни хизмитигә тәйинлигән (Лв 8:6—12; Чқ 30:22—33; Зб 133:2).
it «Беғишлаш»/«Мәрасимниң ахири», 2-абз.
Беғишлаш
Сәккизинчи күни роһанийлар вәзипилирини атқурушқа тәйяр болуп, биринчи қетим (Мусаниң ярдимисиз) хизмитини атқурған. Улар исраилларни гуналиридин тазилиниш мәрасимини өткүзди. Бу исраиллар туғулушидин гунакар болғанлиқтинла әмәс, буниңдин бираз вақит бурунла хәлиқ итаәтсизлик қилип, алтун мозайға сәҗдә қилип, Йәһваниң ғәзивини кәлтүргәнликтинму бәк муһим болған еди (Лв 9:1—7; Чқ 32:1—10). Вәзиписини орунлашқа башлиған роһанийлар бу хизмитини аяқлаштурғанда, Йәһва буниңға рази екәнлигини көрситип, уларниң дәриҗисини тәстиқләш үчүн от чиқирип (Муқәддәс чедирниң үстидә болған булут түвригидин чиққанлиғи сөзсиз), қурбангаһтики қалған қурбанлиқни ялмап жутти (Лв 9:23, 24).
Ләвийләр китавидин қандақ савақларни алимиз?
13 Төртинчи савақ: Йәһва Худа тәшкилатиниң йәрдики қисмиға бәрикәт бериду. Миладимиздин илгири 1512-жили муқәддәс чедир Синай теғиниң етигидә орнитилғанда йүз бәргән вақиәни көрүп чиқайли (Чиқ. 40:17). Муса роһанийларни тәйинләш мәрасимини өткүзүп, Һарун вә униң оғуллири роһанийлар сүпитидә тәйинләнгән еди. Исраил хәлқи роһанийларниң әң дәсләпки қурбанлиғини әкелидиғанлиғини көрүш үчүн җәм болған (Ләв. 9:1—5). Йәһва йеңидин тәйинләнгән роһанийларни қобул қилғанлиғини қандақ көрсәткән? Һарун билән Муса хәлиқни бәрикәтлигәндә, Йәһва Худа асмандин от чүшүрүп қурбангаһтики мални пүтүнләй көйдүрүвәткән (Ләвийләр 9:23, 24ни оқуң).
Роһий гөһәрләрни издәйли
w14 15/11 9-б., 6-абз.
Немә үчүн биз муқәддәс болушимиз керәк?
6 Роһанийлар өз вәзипилирини атқурғанда, таза болуши шәрт еди. Буниңдин биз муһим савақ алимиз. Муқәддәс китапни үгиниватқан кишиләр Ибадәт өйлиримизниң таза болғанлиғини вә бизниң яхши ташқи көрүнишимизни көрүп һәйран қалиду. Роһанийларниң тазилиқни сақлиғанлиғи бүгүнки күнләрдә «Пәрвәрдигарниң теғиға» чиққанларниң дили пак болуши керәклигини тәстиқләйду (Зәбур 24:3, 4ни оқуң; Йәшая 2:2, 3). Биз хизмитимизни атқурғанда, ойимиз, қәлбимиз пак, тенимиз таза болуши керәк. Буниң үчүн өзүмизни пат-пат тәкшүрүшимиз керәк, кейин бәлким Худаниң алдида пак болушимиз үчүн өзгиришләр қилишқа тоғра келидиғанду (Кор. 2-х. 13:5). Мәсилән, әгәр чөмдүрүлүштин өткән қериндаш порнографияни көрсә, у өзидин: «Мән Худаниң алдида пакму?»— дәп сориши лазим. Кейин бу яман адитини ташлаш үчүн ярдәм сориши керәк (Яқуп 5:14).
it «Муса»/«Келишим қануниниң васитичиси», 3-абз.
Муса
Худа Исраил хәлқи билән түзгән Қанун келишиминиң васитичиси сүпитидә Муса пәйғәмбәрни тәйинлигән еди. Бу Мусаниң Йәһва Худа билән бәк йеқин мунасивәттә болғанлиғини көрситиду вә бундақ жуқури дәриҗигә Йеңи келишимниң васитичиси Әйса Мәсиһтин башқа һечким егә болмиған. Муса пәйғәмбәр бир тәрәптин Йәһва Худани, иккинчи тәрәптин хәлиқни (хәлиқ ақсақаллирини) билдүргән келишим китавиға қурбанлиққа әкәлгән малниң қенини сәпкән. У келишим китавини елип, пүтүн хәлиққә оқуп бәргән. Хәлиқ болса: «Биз Йәһваниң һәммә ейтқинини қилимиз вә тиңшаймиз»,— дәп җавап бәргән (Чқ 24:3—8; Иб 9:19). Келишимниң васитичиси сүпитидә Муса пәйғәмбәр Йәһва Худаниң көрсәтмиси бойичә Муқәддәс чедирни қуруш вә униң буюмлирини ясаш шан-шәрипигә егә болған. Шундақла Муса роһанийлиқни орнитип, Муқәддәс чедирни муқәддәс қилған вә роһаний болған Һарунниң бешиға алаһидә май қуйған. Муса пәйғәмбәр вәзиписини әндила қолиға алған роһанийлар өткүзгән биринчи мәрасимни назарәт қилған (Чқ 25—29 баплар, Лв 8, 9-баплар).