37-ДӘРИС
Муқәддәс китап әмгәк вә пул һәққидә немә дәйду?
Иш яки пул тоғрилиқ ғәм-әндишә қилип, көңлиңиз хатирҗәм болмиған чағлар болғанму? Бир тәрәптин зөрүр еһтияҗлиримизни қамдаш, йәнә бир тәрәптин Йәһва қобул қилидиған усулда Униңға ибадәт қилиш асанға тохтимайду. Муқәддәс китап бизгә ярдәм берәләйдиған әмәлий мәслиһәтләрни бериду.
1. Муқәддәс китап иш-әмгәк һәққидә немә дәйду?
Худа бизниң иш-әмгәк яки әҗир-меһнитимизниң һалавитини көрүшимизни халайду. Муқәддәс китапта мундақ дейилгән: «Инсанниң өз әмгигидин паравәнлик тепиш... һәммидин яхши екән» (Вәз 2:24). Йәһва меһнәткар Худадур. Бизму Уни үлгә қилип, ишчан болсақ, Униң көңлини хурсән қилимиз вә көңлимизму қанаәт тапиду.
Иш-әмгәк бәк муһим! Бирақ униң Худаға ибадәт қилиштинму муһимирақ орунни егәллишигә йол бәрмәслигимиз лазим (Йоһан 6:27). Йәһва шундақ вәдә беридуки, әгәр һаятимизда Уни биринчи орунға қойсақ, У турмушимиздики зөрүр еһтияҗлиримизни тәминләп бериду.
2. Пулға тәңпуң көзқарашта болуш дегән немә?
Муқәддәс китап пулниң кишини қоғдайдиғанлиғини ейтиду. У йәнә пәқәт пул болсила, хошаллиқ тапалаймән дәп ойлимаслиқ һәққидә агаһландуриду (Вәз 7:12). Шуңа у бизни пулпәрәс болмай, бәлки «бариға қанаәт қилиңлар» дәп үндәйду (Ибранийларға 13:5ни оқуң). Биз өзүмиздә бариға қанаәт қилсақ, дайим техиму көпирәк нәрсиләргә еришишни арзу қилмаймиз. Қәризгә боғулуштин сақлинимиз (Пәнд-нәсиһәтләр 22:7). Қимар ойнаш вә тезирақ бай болуш үчүн алдамчилиқ қилиштин жирақ туримиз.
3. Қандақ сехий болалаймиз?
Йәһва мәрт Худадур. Биз мәрт яки қоли очуқ болсақ, Уни үлгә қилимиз (Тимотийға 1-хәт 6:18). Җамаәтни қоллап-қувәтләш вә муһтаҗлиқта қалғанларға, болупму етиқатдашлиримизға ярдәм қолумизни сунуш арқилиқ пулимизни мәртлик билән ишлитәләймиз. Йәһва Худа бизниң қанчилик бәргәнлигимизгә әмәс, бәлки нийитимизгә қарайду. Әгәр чин қәлбимиздин сехийлиқ билән бәрсәк, өзүмиз хошал болимиз вә Йәһваниң көңлини хурсән қилимиз (Әлчиләр 20:35ни оқуң).
ЧОҢҚУРИРАҚ ҚЕЗИҢ
Иш-әмгәккә тоғра көзқарашта болуш вә бариға қанаәт қилишниң қандақ пайдиси барлиғини биливелиң.
4. Ишчан болуп, Йәһваға шан-шәрәп кәлтүрүң
Йәһва Худа билән болған достлуғимиз иш-әмгәккә болған көзқаришимизға тәсир көрситиши керәк. ВИДЕОНИ көрүң, кейин төвәндики соаллар үстидә ойлинип көрүң.
Бу видеода Джейсонниң өз ишиға болған көзқариши вә иш орнидики һәрикити сизгә қандақ тәсир қилди?
У өз ишиға тәңпуң көзқарашни сақлаш үчүн немә қилди?
Колосилиқларға 3:23, 24ни оқуң, кейин төвәндики соалға җавап бериң:
Немә үчүн иш-әмгәккә болған көзқаришимиз муһим?
Иш-әмгәк бәк муһим. Бирақ униң Йәһва Худаға ибадәт қилиштинму муһимирақ орунни егәллишигә йол бәрмәслигимиз лазим
5. Қанаәтчан болуш пайдилиқ
Нурғун кишиләр пүтүн күчи билән көпирәк пул тепишқа тиришиду. Амма Муқәддәс китап бу тоғрисида бизгә башқичә нәсиһәт бериду. Тимотийға 1-хәт 6:6—8ни оқуң, кейин төвәндики соалға җавап бериң:
Муқәддәс китап бизни немә қилишқа үндәйду?
Гәрчә пулимиз бәк аз болсиму, биз хошал болалаймиз. ВИДЕОНИ көрүң, кейин төвәндики соал үстидә ойлинип көрүң.
Пули аз болушиға қаримай, бу аилини немә хошал қилиду?
Амма биздә көп пул болса, йәнә техиму көпирәк болушини халисақчу? Әйса буниң хәвп-хәтирини тәмсил арқилиқ чүшәндүргән. Униң тәмсилидин немини үгәндиңиз? Луқа 12:15—21ни оқуң, кейин төвәндики соалға җавап бериң:
Әйса Мәсиһниң тәмсилидин немини үгәндиңиз? (15-айәтни көрүң.)
Пәнд-нәсиһәтләр 10:22 вә Тимотийға 1-хәт 6:10ни оқуң вә селиштуруң. Кейин төвәндики соалларға җавап бериң:
Сизниңчә, қайсиси муһимирақ: Йәһва Худа билән болған достлуқму яки көпирәк пул тепишму? Немә үчүн?
Пул тепишқа беши билән кирип кетиш қандақ ақивәткә дучар қилиду?
6. Йәһва Худа зөрүр еһтияҗлиримизни тәминләп бериду
Иш-әмгәк вә пул билән мунасивәтлик қийинчилиқлар Йәһваға болған иман-етиқадимизни синиши мүмкин. ВИДЕОНИ көрүң вә иман-етиқадимиз шундақ синақларға дуч кәлгәндә, немә қилалайдиғанлиғимизни биливелиң. Кейин төвәндики соаллар үстидә ойлинип көрүң.
Бу видеода бурадәр қандақ қийинчилиқларға дуч кәлди?
У қийинчилиқларни йеңиш үчүн немә қилди?
Мәтта 6:25—34ни оқуң, кейин төвәндики соалға җавап бериң:
Худа Падишалиғини биринчи орунға қойғанларға, У немә қилишни вәдә қилиду?
БӘЗИЛӘР МУНДАҚ ДӘЙДУ: «Аиләмни беқиш үчүн җапалиқ ишлишим керәк. Һәр һәптә җамаәт жиғилишлириға баралмаймән».
Қайси айәт сизни Йәһва Худаға ибадәт қилишни биринчи орунға қоюшниң һәрдайим әң яхши қарар екәнлигигә ишәндүриду?
ХУЛАСӘ
Әлвәттә, иш-әмгәк қилиш вә пул тепиш керәк, бирақ улар һәргизму Йәһва Худаға ибадәт қилишимизға тосқунлуқ қилмаслиғи муһим.
Тәкрарлаш
Тәңпуң көзқарашни сақлишиңизға немә ярдәм берәләйду?
Сиз үчүн қанаәтчан болушниң қандақ пайдиси бар?
Йәһваниң Өз хәлқини тәминләп беридиғанлиғиға болған ишәнчиңизни қандақ көрситәләйсиз?
ИЗДИНИП КӨРҮҢ
Муқәддәс китап пул тоғрилиқ немә дегәнлигини биливелиң.
«Пул һәқиқәтән барчә яманлиқниң йилтизиму?» (Торбәттики мақалә)
Пулни Худани хурсән қилидиған усулда ишлитишни биливелиң.
«Муқәддәс китап башқиларға бериш тоғрилиқ немә дәйду?» (Торбәттики мақалә)
Қимар зиянсиз оюнларму?
«Қимар тоғрилиқ Муқәддәс китап немә дәйду?» («Ойғиниш!» 2015-жил, март)
Бир кишиниң қимар ойнаш вә оғрилиқ қилишни тохтитишиға немә ярдәм бәргәнлигини биливелиң.
«Ат бәйгә қимар оюниға хумар едим» («Күзитиш мунари» 2011-жил, 1-ноябрь)