4-بۆلۈم
ئۇلار شەيتاننىڭ سۆزىگە كىرىپ، ئاقىۋىتى قانداق بولدى؟
ئادەم-ئاتا بىلەن ھاۋا-ئانا خۇداغا ئىتائەتسىزلىك قىلغاچ ئۆلدى. يارىتىلىش 3:6، 23
ھاۋا-ئانا شەيتاننىڭ سۆزىگە كىرىپ مېۋىدىن ئېلىپ يېدى. ئاندىن كېيىن، ھاۋا-ئانا مېۋىدىن ئادەم-ئاتىغا بەردى، ئۇمۇ مېۋىنى يېدى.
ئۇلار خاتالىق، يەنى گۇناھ ئۆتكۈزگەچ، خۇدا ئۇلارنى جەننەت ماكانىدىن قوغلاپ چىقاردى.
ئادەم بىلەن ھاۋا ۋە ئۇلارنىڭ پەرزەنتلىرى جاپالىق تۇرمۇش كەچۈردى. ئادەم-ئاتا بىلەن ھاۋا-ئانا ئىككىسى قېرىپ ئۆلدى. ئۇلار روھلار دۇنياسىغا كەتكىنى يوق؛ بەلكى ئەمدى مەۋجۇت ئەمەس.
ئۆلۈكلەر خۇددى توپىغا ئوخشاش جانسىز. يارىتىلىش 3:19
بىز ئىنسانلار ئۆلىمىز، چۈنكى ھەممىمىز ئادەم-ئاتا بىلەن ھاۋا-ئانىنىڭ بالىلىرى. ئۆلۈك كىشى كۆرەلمەيدۇ ۋە ئاڭلىيالمايدۇ ياكى ھېچ ئىش قىلمايدۇ. — ۋەز 9:5، 10.
ئىنسانلارنىڭ ئۆلۈشى خۇدانىڭ ئىرادىسى ئەمەس. پات ئارىدا، ئۇ ئۆلۈم ئۇيقۇسىدا ئۇخلاپ ياتقانلارنى تىرىلدۈرۈپ قايتا ھاياتلىققا ئىگە قىلىدۇ. ئەگەر ئۇلار خۇدانىڭ سۆزىگە قۇلاق سالسا، كېلەچەكتە مەڭگۈ ياشايدۇ.