Okumãlako Ohali Yolonepele

Usovoli ndopo oka piñainyapo okulisoka omanu va sukila. Ndaño kaliye, etu tupondola oku nãlula alianga oco tu pitahãle ohali yolonepele vikasi oku tu talisa ohali lapata etu. Ndeci Nelson Mandela, wa tumbikiwa omitavaso yoko Áfrika do Sul, eci apopia hati, “eci etu tulinga ceci etu tukuete, haceciko va tuiha, okuti ci tepa omunu lokuavo.”

Esapulo lialekisa okuti olondaka viaye viocili. Valua okuti alume kuenda akãi vaihiwa katito kokucitiwa puãi ovo, poku lingainga eci ovo vakuatele, vakuata etundilo liwa okuti livatepamo konele kepondolo liavo liombanjaile vali ya vavali. Pole, vamue va sumuluisua calua lokuvelapo tunde kokucitiwa va pañula eci ovo vakuete kuenda va pumba okukala lomuenyo toke vepondolo liavo liapama.

Luisa Eci Okuete!

Omanu va Yehova vakasi lonjongole yalua yokukuatisako omanu oco va nganyale ukũlĩhĩso wovipango via Suku okulongisa elilongiso Liembimbiliya. Kuenje ovo valekisa okuti, oco tukuate elomboloko lialua Kembimbiliya, omanu te valilongisa okutanga ciwa. Vesunga liaco, Olombangi via Yehova vakasi oku longisa akũi olohũlũkãi viomanu oco va tange lokusoneha, oku kongelamo 23.000 komanu (ndeci vocakati co 1990) konepa yocifuka Cutakelo wo Áfrika. Okutukula upange Olombangi via Yehova vakasi okueca, San Francisco Oñulĩhĩsi hati: “Ove citava okuti o va tenda vakuafeka vamue ovindekaise. Ovo va feta owombo lonjanga, va tata ombei, va yakela okutanga”.

Okuvokiyako, velomboloko liokuamamako oku vanguila vowiñi, Olombangi via Yehova va longisa ovita violohũlũkãi viomanu oco valinge olohundi vimue via loñoloha, okuti vowiñi ovo va vangula muẽle ciwa. Vokati kolohũlũkãi evi muli vamue okuti vakuatele ovitangi vialua viokuvangula cimue pokati kavakuavo. Ndeci ulume umue wo ko Áfrika do Sul wa soneha hati: “Ame nda kokomẽle calua lãvi okuti ndakala ndu wakamba epondolo, olonjanja vimue ndakolela vakuetu oco vambanguileko. . . . , ame nda kokoma calua okuti kacatavele okumalusula ulandu votembo yilingiwa. Noke yohongele [ukuakueca alungulo] lumbombe wa nyiha ekuatiso liasokapo. Eye walinga hati hĩse ame nditangetange okuti ndi kolisako likaliange. Eci oco ndalinga, nda sanda otembo eteke leteke, okutangatanga Vembimbiliya liange muẽle okukolisako kuenda o revista Utala Wondavululi. Ulume u wamamako muẽle ciwa okuti kaliye olinga ohundo yowiñi komanu vakahandangala toke ovita, ndaño olohũlũkãi.

Sanjukila Okulisoka Pokati Kavamanji

Catiamẽla kokulongisa, kokutata uhayele, kuenda okutata asiliya, akalo pokati Kolombangi via Yehova alitepa calua. Okulitepa kuaco oku ku lekisa okuti oluali ka lua lipuile akalo omu vakasi. Pole calitepa lovimunga vimue viatavo, akova, apata kuenda epese lisangiwa pokati kavo.

Ovina evi vavitẽlisila pokulinga eci cavelapo pokulingainga eci ovo va lilongisa Vembimbiliya. Ovo lutima wosi vakuama olonumbi Viembimbiliya ndoco: “Yehova ka vanji ndeci omunu o vanja, omunu o vanja okumõleha kuokilu, Yehova puãi o vanja vutima.” (1 Samuele 16:7) “Suku ka kuete ocame, puãi, volofeka viosi, wosi u sumbila loku linga esunga, u sungulukila.” (Ovilinga 10:34, 35) “Ko ka fetuluinyi umue cĩvi leci cĩvi. Sandi ovina viwa kovaso omanu vosi.”—Va Roma 12:17, 18; talavo 1 Timoteo 6:17-19; Tiago 2:5, 9.

Okupokola ciwa kolonumbi evi Viembimbiliya okuti vikoka omunga, Olombangi via Yehova valikala okuti pokati kavo kapakala okulikuatela ekaka liolonepele liakunamẽla, kekova, kekalo, ale okuliteka kesiliya. Ovina evi kavikuete onepa ndeci, pokunõla helie okakuata asumũlũho okuvumba vekongelo Liakristão. Olomangu viovikele, ndeci okulongisa kuenda umitavaso, vieciwa lika nda omunu okuete olongave viespiritu.—1 Timoteo 3:1-13; Titu 1:5-9.

Komanu vana vasiata okutala ohali yolonepele vokati koluali lulo luolonepele, hetulumũhokuolio okusanga vakuavo vavatata ciwa ndavamanji cikale alume ale akãi okulisokisa kovaso Yusovoli! Martina eci wa ci limbuka. Eci isiaye a yanduluka epata, eye wa kulila vuhukũi, konjo ya umue onjali ohukũi. Olonjanja viosi wa tatiwa ndu wa yandulukiwa, walikolelele citito, kuenda wa sovola oku likuata ukamba la vakuavo. Eye wamamako okumioñolola ocituwa caye cokulisipa. Kuenje ovina evi viapongoloka eci eye a fetika okulilongisa Embimbiliya kuenda wa pongoloka Ombangi ya Yehova. Eye hati: “Ame handi te nda yaka calua oco ndi yuvule ocisimĩlo cĩvi, pole kaliye ñasi ciwa lepondolo liokupotolola ocitangi. Okulisumbila ame muẽle ca mioñoloha, kuenda ame ndi vangula lekolelo lialua. Ocili ca nyiha olondunge viocikele. Kaliye nda kũlĩha okuti Yehova o ndi sole kuenda okuti omuenyo u sesamẽla okukala.

Omo okuti owiñi umue Wakristão ukasi kolonepa viosi violofeka, Olombangi via Yehova kolofeka vipitahãla 230 vakuete esanju liokulisoka okuti ovo lika voluali lulo luetaili. Kuli ohongele yimue yetavo okuti vakuete ocituwa cimuamue?”

Ndomo caika, Olombangi via Yehova vakuacili. Ovo va tava muele okuti kavalipuile, ovo ka va livelisilepo ovo muẽle ndu vatẽla okumãlako olonepele okuti vakuavo vasule vana okuti vovita vianyamo va seteka okucilinga—kuenda vaponya. Handi vali, ovo va sanjuka okuti pokati kavo kapali okulivelisapo, ovo valikolisilako calua oco vamaleko ohali eyi yikoka olofa. Kuenda lekolelo lialua vohuminyo ya Suku, ovo va luluvala koluali luokaliye luolondingesunga muna okuti olonepele vika linga ocina cimue capita.

Oco, omanu vosi va pokola vaka pongoloka oco va lisoke ndeci “unene kuenda esunga” cina Usovoli wavo a va pongiyila tete. Helongisokuolio liwa! Kotembo yaco cika kala muẽle ocili!

Olombangi via Yehova valikolisilako okutanga pokulongisa akũi olohũlũkãi viomanu oco va tange kuenda okusoneha

[Elitalatu kemela 7]

Jehovah’s Witnesses battle illiteracy by teaching tens of thousands of people to read and write

[Elitalatu kemela 8]

Ocili Cembimbiliya cikuatisa okumãlako olonepele viakova, viekalo, kuenda epese liasiliya