Ondaka “Ukristão” Kayikuete Vali Elomboloko Liayo?
OKU kala Ukristão ci lomboloka nye? Ove o tambulula ndati? Omanu valua kolofeka viñi viñi va lingiwa ale apulilo a–a, kuenda palo pali atambululo avo ndeci:
“Oku kuama Yesu loku setukula.”
“Oku kala omunu uwa la vakuetu.”
“Oku tava Kristu okuti cime kuenda Onjovoli.”
“Okuenda ko Misa, oku tukola Olosaliu, kuenda oku tambula o Komunyãu Yikola.”
“Ame sitava okuti okuendaenda vonembele cilingisa oku kala Ukristão.”
Ndaño olondisionariu viecavo elisanjo kondaka eye. Epakiso limue lia lingiwa, lilekisa okuti vondaka “Ukristão,” mua kongela alomboluilo ekui atunda “kokutava, ale koku tiamẽla ketavo lia Yesu Kristu” ale
Komunu umue o taviwa.” Eci ka cimõhisa, okuti valua va valimbuka okuti ca tila calua oku lombolola elomboloko lioku kala Ukristão.
Onjongole Yelisanjo Liapitahãla
Etaili pokati kavana valitukula hati Akristão, ndaño okutivo pokati kavana vakuete olomangu vimuamue, umue pokati kavo handi opondola oku kuata ovisimilo viñi viñi viatiamẽla kondaka Yukristão, oku kapako ovisimilo viaco ndolondaka vikuete unene wa Suku Vembimbiliya ndeci: esanda lietukuluko, loku likongela kuetavo vo pulitika, kuenda vamue vakuekolelo oku pangako onepa kumue la vakuavo.