Dopera el libro Te pol viver felice par sempre! par giutar i studianti a gaver fede in Geovà e Gesù

I nostri studianti i ga de ver una forte fede par contentar a Dio. (Ebr. 11:6) Col libro Te pol viver felice par sempre! podemo giutarli a gaver una fede cossita. In questo libro, ghen’è testi che insegna punti importanti, bone domande, vìdei che toca el cuor e bele ilustrassion. Tuto l’è spiegà de una maniera fàcile de capir. Ghemo de giutar i nostri studianti a gaver bone qualità e esser amighi de Geovà. Cossita, quando vien provassion forte come fogo i sarà boni de seitar firmi. — 1 Cor. 3:12-15

Arquanti i cata fadiga esser amighi de Dio parché no i ze boni de vederlo. Alora, ghemo de giutarli a cognosser ben a Geovà e fidarse in lu.

VARDA EL VÌDEO DOPERA EL LIBRO “TE POL VIVER FELICE PAR SEMPRE!” PAR GIUTAR I STUDIANTI A GAVER FEDE IN GEOVÀ, E DOPO RISPONDI A QUESTE DOMANDE:

• Come che savemo che la sorela la era ben pareciada par el stùdio?

• Che bone domande la sorela la ga fato par saver cossa che la studiante la gavea capio de Isaia 41:10, 13?

• Come che el vìdeo e i testi dela Bìblia i ga giutà la studiante?

Tanti no i capisse cossa che l’è el risgate e gnanca i aceta che l’è un presente de Dio par cada un de noantri. (Gàl. 2:20) Par quela, toca giutar i studianti a gaver fede nel sacrifìssio de Gesù.

VARDA EL VÌDEO DOPERA EL LIBRO “TE POL VIVER FELICE PAR SEMPRE!” PAR GIUTAR I STUDIANTI A GAVER FEDE IN GESÙ, E DOPO RISPONDI A QUESTE DOMANDE:

• Come che savemo che el fradel l’era ben parecià par el stùdio?

• Come che lu el ga doperà la session “Vuto saver de pi?” par giutar el studiante?

• Parché che l’è importante pregar par el studiante?