BIBLIOTECA NELA INTERNET dela Tore de Vigia
BIBLIOTECA NELA INTERNET
dela Tore de Vigia
Talian
  • BÌBLIA
  • PUBLICASSION
  • RIUNION
  • wp21 No. 1 pàg. 14-15
  • Come che pregar pol giutarte?

No ghen'è vìdeo disponìbile par questa selession.

Scusa, ghen'è un sbàlio al sbassar el vìdeo.

  • Come che pregar pol giutarte?
  • La Sentinela che Proclama el Regno de Geovà (Pùblico) — 2021
  • Informassion someiante
  • El Privilègio de Far Orassion
    Cossa la Bìblia la Pol Insegnarne?
  • Prega a Dio e fà pi forte la to amicìssia con lu
    Te pol viver felice par sempre! — Un libro che el te giuta a capir la Bìblia
  • Sarà che Dio el scolta pròpio le nostre orassion?
    La Sentinela che Proclama el Regno de Geovà (Pùblico) — 2021
  • Cossa ghemo de far par Dio scoltar le nostre orassion?
    La Sentinela che Proclama el Regno de Geovà (Pùblico) — 2021
Varda de pi
La Sentinela che Proclama el Regno de Geovà (Pùblico) — 2021
wp21 No. 1 pàg. 14-15

Come che pregar pol giutarte?

Quando Pamela la ga savesto che la gavea càncaro, la ze ndata al dotor par far tratamento. Ma anca la ga pregà a Dio par domandarghe forsa par darghene fora con quela bruta situassion. Sarà che pregar la ga giutada?

Pamela la ga dito: “Intanto che mi fea el tratamento contra el càncaro, tante volte mi go bio paura. Ma quando mi preghea a Geovà Dio, ero bona de sentirme calma e de darghene fora cola situassion. El càncaro ancora me fà tanto mal, ma la orassion la me giuta a veder la me situassion dela meio maniera, sensa restar desanimada. Quando i altri i me domanda come stao, mi ghe digo: ‘No stao mia tanto ben, ma mi son contenta!’”

Sicuro che no ghemo mia de spetar fin che vegna fora un grosso problema nela nostra vita par dopo scominsiar a pregar. Tuti noantri infrontemo dificoltà, grande o pìcole, e tante volte sentimo che ghemo bisogno de aiuto par darghene fora. Sarà che la orassion la pol giutarne?

La Bìblia la dise: “Buta la to carga sora Geovà, e lu pròpio el te sostegnerà. Mai el assarà che el giusto el casche.” (Salmo 55:22) Che bel consolo! Alora, come che far orassion pol giutarte? Quando te preghi a Dio dela maniera giusta, lu el va darte quel che te ocore par darghene fora cole to dificoltà. — Varda el quadro “Benedission che Dio el te dà quando te fè orassion.”

Benedission che Dio el te dà quando te fè orassion

Pace

El omo che gavea perso so laoro l’è drio caminar con confiansa e con un soriso in fàcia.

“Domandé el aiuto de Dio in tute le cose . . . E la pace de Dio, che la ze pi granda de quel che podemo capir, la protegerà el vostro cuor e la vostra mente par meso de Cristo Gesù.” (Filipensi 4:6, 7) Se te parli a Dio i to problemi e le to preocupassion, lu el va giutarte a restar calmo e a saver cossa far anca nele dificoltà.

Sabedoria

La dona che vanti la ledea le orassion de un libro la lede la Bìblia casa.

“Se ghe manca sabedoria a qualchedun de valtri, el ga de seitar a domandarla a Dio, parché lu ghe la dà a tuti de maniera generosa e con bontà.” (Tiago 1:5) Quando semo drio infrontar una bruta situassion, pol esser fadiga far bone dessision. Ma se te preghi a Dio e te ghe domandi sabedoria, lu el pol giutarte a ricordar dei bei consili che ghen’è nela so Parola, la Bìblia.

Forsa e consolo

El omo e la dona che vanti i era in ospedal adesso i camina insieme nte una piassa. El omo el giuta so dona a doperar una bengala.

“Par tute le robe go forsa gràssie a quel che el me dà poder.” (Filipensi 4:13) Geovà l’è el Dio Tuto Poderoso. Par quela, lu el pol darte la forsa che te ocore par darghene fora coi problemi. (Isaia 40:29) La Bìblia anca la dise che Geovà l’è “el Dio de tuto el consolo”. El pol consolarne “in tute le nostre tribolassion”. — 2 Corinti 1:3, 4.

LA ORASSION LA POL GIUTAR ANCA A TI!

Geovà no’l obriga nissuni a far orassion, ma, con amor, lu el ne convida a pregar a lu. (Geremia 29:11, 12) E se te par che Dio no’l ga mia rispondesto ale to orassion? No stà mia restar desanimà, gnanca desister. Pensa in questo esémpio: genitori che i ama i so fioi fursi no i va mia giutarli sempre dela maniera o nela ora che i fioi i vol, parché i sa quala ze la meio maniera de giutarli. Ma l’è sicuro che, se i genitori i ama i so fioi, i va giutarli.

Geovà Dio l’è el Pare pi amoroso che ghen’è, e lu el vol giutarte. Se te stè atento ale istrussion che la Bìblia la dise sora la orassion e te fè de acordo con lore, Dio el va risponder ale to orassion dela meio maniera! — Salmo 34:15; Mateo 7:7-11.

    Publicassion in Talian (1993-2025)
    Va fora
    Va rento cola to conta JW.org
    • Talian
    • Mandar ai altri
    • Configurassion
    • Copyright © 2025 Watch Tower Bible and Tract Society of Pennsylvania
    • Condission par Doperar
    • Polìtica de Privacità
    • Configurassion de Privacità
    • JW.ORG
    • Va rento cola to conta JW.org
    Mandar ai altri