Parché continuar a imparar sora la Bìblia?

1. Parché che te ghè de continuar a studiar la Bìblia?

Sicuro che quel che te ghè imparà fin adesso el ga fato pi grando el to amor par Geovà. Te ghè de continuar a studiar la Bìblia par far ancora pi grando el to amor. (1 Pedro 2:2) Te ghè de far pi forte la to amicìssia con Dio se te vol viver par sempre. — Ledi João 17:3; Judas 21.

Quanto de pi te impari sora Dio, tanto pi forte la resta la to fede. Questa fede la te giutarà a contentar a Dio. (Hebreus 11:1, 6) Te volerè assar de far quel che l’è sbalià e te ndarè far quel che l’è giusto. — Ledi Atos 3:19.

2. Come che ti te pol giutar altre persone?

Tuti noantri ne piase de dar bone notìssie. Alora, sicuro che te gavarè voia de contar ai altri sora le bone notìssie che Geovà el ga par noantri. Continua a studiar la Bìblia, cossita te sarè bon de mostrar ai altri ntela Bìblia quel che te sì drio imparar. — Ledi Romanos 10:13-15.

Te pol scominsiar a parlar coi to amighi e parenti. Ma parla con rispeto. Invesse de dir che la so religion la insegna cose sbaliade, parla sora le bone cose che Dio ndarà far. Ancora pi importante, te ghè de far quel che l’è giusto. Quel che te fè val de pi de quel che te dise. — Ledi 2 Timóteo 2:24, 25.

3. Come che el stùdio dela Bìblia el pol giutarte?

Continuar a studiar la Bìblia el te giutarà a far pi forte la to amicìssia con Dio. Nò sol te sarè amigo de Geovà, ma anca te farè parte dela so fameia. Che bela cosa! — Ledi 2 Coríntios 6:18.

4. Come che la to fede la pol restar cada volta pi forte?

La prima cosa che te ghè de far l’è continuar a studiar la Bìblia. (Hebreus 5:13, 14) Te pol domandar a una Testimònia de Geovà par studiar la Bìblia con ti, doperando el libro Cossa la Bìblia la Pol Insegnarne?. Quanto de pi te impari sora Dio, tanto de pi te sarè felice. — Ledi Salmo 1:1-3; 73:27, 28.

Par esser cada volta de pi amigo de Geovà, l’è importante riunirse col so pòpolo. (Hebreus 10:24, 25) Geovà el ga bone notìssie par ti. Lu el vol che te gàpie la vera vita. Se te fè sforsi par far quel che Lu el vol, te podarè viver par sempre. Esser amigo de Geovà l’è la meio cosa che ghen’è. — Ledi 1 Timóteo 1:11; 6:19.