Publicassion par pareciarse par la Riunion Vivemo e Insegnemo
Idee par parlar sora la Bìblia
Ancora un poco, e i rugni no i ghen sarà pi. Te vardarè ndove che i era, e no te li catarè. 11 Ma i mansi i sarà paroni dela tera, e i gavarà tanta alegria par via dela granda pace.
Tuto quel che l’è stà scrito nel passà l’è stà scrito par insegnarne, cossita par meso dela perseveransa e del consolo dele Scriture noantri ghemo speransa.
Alora, go sentio una alta voce del trono: “Varda! La tenda de Dio la ze cola umanità. Lu el ndarà de star insieme con lori, e lori i sarà el so pòpolo. Dio el sarà insieme con lori. 4 Lu el sugarà tute le làgrime dei so oci, e no ghen sarà pi la morte, gnanca pi tristessa, gnanca piander, gnanca dolor. Le robe che ghen’era vanti no ghen’è pi.”
1-7 DE NOVEMBRE
LESSION PRESSIOSE DELA BÌBLIA ǀ GIOSUÈ 18-19
“La maniera sàbia che Geovà el ga spartio la Tera Prometesta”
Perspicaz vol. 2 pàg. 1108 paràg. 8
Limite de tera
Quando i ga fato le division dele tere par le tribo, lori i ga fato par meso dela sorte e de acordo con quanto granda la tribo la era. Pol esser che lori i tirea la sorte sol par veder ndove cada tribo la ndaria de star: nort, sud, leste o oeste, nte un posto piano darente el mar o ntela montagna. L’era Geovà che el dessidia ndove che i ndaria de star, cossita no ghen saria gelosia o barufe intrà le tribo. (Pro. 16:33) Alora, cada tribo la ze ndata de star ntel posto che Giacò el gavea profetisà un poco vanti de morir. — Génesi 49:1-33
Perspicaz vol. 1 pàg. 1142 paràg. 1
Eransa
Tera come eransa. De acordo cola professia de Giacò in Génesi 49:5, 7, gnanca Simeon o Levi i ga ricevesto una tera come eransa. La eransa de Simeon la era arquante cità rento la tera de Giudà. (Giosuè 19:1-9) La tribo de Levi la ga ricevesto 48 cità nela tera de Israel. (Nùm. 18:20, 21; 35:6, 7) Le fameie le ricevea responsabilità rento la tera dela so tribo. Quando le fameie le restea pi grande, i gavea de spartir le tere intrà i fioi e cossita, la eransa la restea cada volta pi pìcola.
Perspicaz vol. 2 pàg. 1109 paràg. 1
Limite de tera
Dopo de tirar le sorte, lori i gavaria de star atenti a quanto granda saria la tera par veder se la tribo la ghe staria rento. La Bìblia la dise come i ga fato: “Gavé de spartir la tera intrà le vostre fameie par meso dela sorte. I grupi grandi i guadagnarà una eransa pi granda, e i grupi pìcoli i guadagnarà una eransa pi pìcola. La vostra eransa la sarà de acordo cola sorte. Valtri ndaré ricever la vostra eransa de acordo cole tribo dei vostri antenati.” (Nùm. 33:54) El posto ndove saria la eransa de cada tribo l’era de acordo cola sorte. Ma la eransa la podaria esser pi granda o pi pìcola de acordo cola tribo, se la era granda o pìcola. Par esémpio, la tera ndove la tribo de Giudà la ndaria de star la era massa granda, par quela, i ga spartio un toco dela so tera cola tribo de Simeon. — Giosuè 19:9
Va in serca de lession pressiose dela Bìblia
Perspicaz vol. 2 pàg. 1109 paràg. 4
Limite de tera
I so nemighi i era de star in cità con tanta protession, par quela, i israeliti i pensea che saria fadiga ndar contra lori. (Giosuè 13:1-7) Nantro motivo pol esser stà che i israeliti i cognossea le tere che i gavea belche ciapà e spartio intrà de lori, ma no i cognossea tanto ben le altre tere che i ndaria ancora ciapar. Arquanti studiosi i dise che fursi i israeliti i ga pensà che no ocorea ciapar suito quele altre tere, parché i gavea belche ciapà tante robe dele cità che i gavea vinsesto. Pol esser anca che i pensea che i cananei no i ndaria pi atacarli.
8-14 DE NOVEMBRE
LESSION PRESSIOSE DELA BÌBLIA ǀ GIOSUÈ 20-22
“Parché che l’è importante gaver una bona comunicassion?”
Sentinela 15/04/06 pàg. 5 paràg. 3
Come parlar de maniera ciara con to omo o to dona
Se te parli de maniera ciara con una persona, sarà pi fadiga che la te capissa de maniera sbaliada. Nel passà, le tribo de Ruben, Gade e metà dela tribo de Manassè che le era de star dela banda leste del rio Giordon, le se ga meteste insieme par far su un grando altar. Quando i altri israeliti i ga visto quel altar i ga pensà che quele tribo le era drio esser infedele a Geovà. Par quela, i se ga parecià par far una guera contra lore. Ma, vanti de scominsiar una guera, i ga mandà arquanti òmini parlar cole tribo dela banda leste. Questo l’è stà tanto bon parché cossita i altri israeliti i ga savesto che quel altar no l’era mia par far sacrifissi. Invesse, quele tribo le ga fato el altar parché nel futuro tuti i israeliti i saveria che anca lori i fea parte del pòpolo de Geovà e i lo adorea. — Giosuè 22:10-29
Sentinela 15/11/08 pàg. 18 paràg. 5
“Sfòrsate par mantegner la pace”
Infati, i israeliti de quele tribo dela banda leste del rio Giordon no i era stati infedeli a Geovà. Ma cossa che i ga fato quando i ze stati acusadi? Invesse de dirghe su e restar disgustadi, lori i ga rispondesto cole bone che quel altar che i gavea fato su l’era par mostrar che i adorea a Geovà. Quei israeliti i ga spiegà de maniera ciara quel che i gavea fato, alora, i ga mantegnesto la so amicìssia con Geovà. Lori anca i ze stati boni de far la pace coi altri israeliti. Cossita, no ga mia sucedesto una guera. — Giosuè 22:13-34
Va in serca de lession pressiose dela Bìblia
Perspicaz vol. 1 pàg. 416 paràg. 3
Canaan
I pòpoli nemighi che ghen’era intorno i israeliti i gavea paura e par quela no i ndaria mia farghe mal a lori. Geovà el ga dito che el ndaria parar via i cananei pin pianeto senò, ghen saria cada volta de pi bèstie cative in quela tera. — Éso. 23:29, 30; Deu. 7:22
15-21 DE NOVEMBRE
LESSION PRESSIOSE DELA BÌBLIA ǀ GIOSUÈ 23-24
“I ùltimi consili de Giosuè ai israeliti”
Perspicaz vol. 1 pàg. 84 paràg. 5
Acordo
Geovà el ga proibio ai israeliti de far qualche acordo cole altre nassion de quela tera che le adorea falsi dèi. (Éso. 23:31-33; 34:11-16) Lori i gavaria de obedir sol ale lege e orientassion de Dio e nò de quele nassion che le saria parade via. (Lev. 18:3, 4; 20:22-24) Dio el ghe ga dato la òrdine de no maridarse cole persone de quele nassion parché lori i restaria insieme nò sol cola dona, ma anca cola fameia de so dona, persone che le pratichea la idolatria. Cossita, i israeliti i ndaria pecar e ndar contra Geovà. — Deu. 7:2-4; Éso. 34:16; Giosuè 23:12, 13
Sentinela 01/11/07 pàg. 26 paràg. 19-20
Geovà el fà tuto quel che el promete
19 Geovà el liberta, el protege e el tende dei so servi. Tuto quel che Geovà el ga prometesto, lu el ga fato nel tempo giusto. Par quela, l’è sàbio fidarse del tuto nela Parola de Dio.
20 E cossa che Dio el dise sora el futuro? Tanti i podarà viver nte un maraveioso paradiso qua ntela Tera. Ghen’è de quei che i ga la speransa de esser rè nel cielo insieme Gesù. Suito, ndarà suceder tuto quel che semo premosi de veder. Ma, sia la nostra speransa ndar su al cielo o restar qua ntela tera, tuti noantri ghemo motivi par seitar fedeli compagno Giosuè. Cossita, saremo boni de ricordarse de tute le promesse de Geovà e dir anca noantri che “tute le so promesse le se ga realisà”.
Va in serca de lession pressiose dela Bìblia
Sentinela 01/12/04 pàg. 12 paràg. 1
Punti interessanti del libro de Giosuè
Giosuè 24:2 — Sarà che Tera, so pare de Abraon, el pratichea idolatria? Una volta Tera no l’era mia adorador de Geovà. Fursi, lu el adorea el dio luna de nome Sin, un dio che tanti adorea nela cità de Ur. De acordo cola tradission dei giudei, pol esser che Tera el fea le imàgine de questi falsi dèi. Ma quando Dio el ga dito che Abraon el gavaria de ndar via de Ur par ndar fin Aran, so pare, Tera, l’è ndato via insieme. — Gén. 11:31
22-28 DE NOVEMBRE
LESSION PRESSIOSE DELA BÌBLIA ǀ GIUISI 1-3
“Una stòria de coraio e fede”
Sentinela 15/03/04 pàg. 31 paràg. 3
Eùde el ga libertà el pòpolo dei so nemighi
Eùde l’è stà bon de libertar el pòpolo de Israel nò parché lu l’era furbo o parché i so nemighi i era bauchi. Eùde l’era de acordo cola volontà de Dio e par quela, el ga bio el So aiuto e l’è stà bon de far quel che el ga fato. Geovà no’l ghe ocore del aiuto dele persone par far quel che el vol. Ancora cossita, el ga scoliesto Eùde, e sempre che ‘Geovà el scoliea un giuis par giutar el so pòpolo, lu l’era insieme de questo giuis’. — Giuisi 2:18; 3:15
Sentinela 15/03/04 pàg. 30 paràg. 1-3
Eùde el ga libertà el pòpolo dei so nemighi
Eùde el doperea la man sanca e el ga scondesto la spada soto la so roba, sora la gamba drita, ndove i guardi no ndaria mia in serca de una arma. Alora, i lo ga assà ndar darghe la tassa par el rè de Moabe. — Giuisi 3:16, 17
Eùde el ga dato la tassa e dopo l’è ndà via dela casa de Eglon insieme coi òmini che i la ga portada. No savemo se quei òmini i era insieme de lu sol par portar la tassa o par protegerla. Ma, quando i ze rivadi un poco pi avanti, lu li ga mandadi via e l’è tornà indrio lu sol. Pol esser che Eùde el ga fato questo par protegerli. Infati, lu l’è stà coraioso.
Eùde l’è rivà a Gilgal e el ga dito che el gavea un messàgio sol par el rè. Alora, el ga domandà de ndar lu sol parlar col rè e i lo ga assà ndar. — Giuisi 3:19
Va in serca de lession pressiose dela Bìblia
Sentinela 15/01/05 pàg. 24 paràg. 7
Punti interessanti del libro de Giuisi
Giuisi 2:10-12. Ghemo de sempre studiar la Bìblia, cossita, no ndaremo mia ‘desmentegarse de quel che Geovà el ga fato.’ (Salmo 103:2) Par far la verità tocar el cuor dei fioi, el pare e la mare i ga de seitar a parlarghe dela Parola de Dio. — Deu. 6:6-9
29 DE NOVEMBRE–5 DE DISEMBRE
LESSION PRESSIOSE DELA BÌBLIA ǀ GIUISI 4-5
“Geovà el dopera due done par salvar el so pòpolo”
Sentinela 01/08/15 pàg. 13 paràg. 6
“Son deventada come una mare par Israel”
La religion e i costumi dei cananei i era pròpio bruti. Lori i fea sacrifissi de toseti e anca prostituission nei so posti de adorassion. La cansion de Dèbora la ne mostra che in quel tempo l’era pròpio fadiga viaiar par el paese e no ghen’era pi nissuni de star nele colónie. (Giuisi 5:6, 7) El pòpolo el se scondea nele floreste e nele montagne. Lori i gavea paura de laorar la tera o de viver in colónia parché fora dela cità no ghen’era muri par protegerli. Anca, lori quasi no i viaiea par le strade parché ghen’era bandidi che i podea atacarli, portar via i so fioi e violentar le so done.
Sentinela 01/08/15 pàg. 14 paràg. 1
“Son deventada come una mare par Israel”
Un rè rugno el ga comandà i israeliti par 20 ani, fin che Dèbora la ze deventada come una mare par protegerli, come dise la cansion de Dèbora e Barache, o sia, fin che Geovà el ga visto che el so pòpolo testardo l’era pronto par cambiar. Dèbora la era maridada con Lapidote e no savemo se lori i ga bio fioi. Ma Geovà el gavea dato a Dèbora la responsabilità de tender dela nassion de Israel come una mare. Ela la gavea de domandar aiuto al giuis Barache, che l’era un omo poderoso e fedele, e dirghe che el gavaria de atacar Sìsera. — Giuisi 4:3, 6, 7; 5:7
Sentinela 01/08/15 pàg. 16 paràg. 4
“Son deventada come una mare par Israel”
Giael la gavea de far qualcossa suito. Ela la ga dito a Sìsera che el podea riposar lì. Lu el ghe ga dito che, se qualchedun el vegnesse catarlo, ela la gavaria de dirghe che lu no l’era mia lì. Quando Sìsera el se ga butà do, ela lo ga coerto e quando lu el ghe ga domandà àqua, ela la ghe ga dato late. Pena dopo, Sìsera el se ga indormensà. Intanto che lu l’era drio dormir, Giael la ga ciapà una stecheta de tenda e un martel, due feramente che le done che le era de star in tende le savea doperar ben. Ela la se ga incucià do davanti la testa de quel omo e la ga fato quel che Geovà la gavea mandà far, copar Sìsera! — Giuisi 4:18-21; 5:24-27
Va in serca de lession pressiose dela Bìblia
Sentinela 15/01/05 pàg. 25 paràg. 5
Punti interessanti del libro de Giuisi
Giuisi 5:20 — Come che le stele le ga lotà nel cielo par giutar Barache? Fursi questo ga sucedesto parché i consilieri de Sìsera i ga capio che i sassi vegnesti do del cielo i era un bruto segnal o i òmini de Sìsera che studiea le stele i ga fato professie sbaliade. Pol esser anca che i àngeli de Geovà i ga giutà. Ma, ancora che la Bìblia no la diga come questo ga sucedesto, semo sicuri che i ga bio el aiuto de Geovà.
6-12 DE DISEMBRE
LESSION PRESSIOSE DELA BÌBLIA ǀ GIUISI 6-7
“Va cola forsa che te ghè”
Sentinela 15/02/02 pàg. 6 paràg. 5
I prinsipi dela Bìblia i pol giutarte
Gideon l’era un giuis intrà i israeliti. Lu el pensea de si stesso de una maniera giusta e el savea che arquante robe no’l saria mia bon de far. Gideon no’l volea esser paron de Israel. Ma quando el ga ricevesto questa autorità el ga dito che no’l meritea. — Giuisi 6:12-16
Sentinela 15/07/05 pàg. 16 paràg. 3
“La spada de Geovà e de Gideon!”
I midiatini i se ga pròpio spaventà. In quela note calma, de colpo i ga sentio 300 giari che se spachea, el busnar de 300 busine e 300 òmini che i ga osà “La spada de Geovà e de Gideon!”. Alora, i midianiti i ze restadi spauradi e i ga scominsià a osar insieme. In meso a quel bacan, lori no i savea chi che l’era nemigo e chi che l’era dela so banda. Quei 300 israeliti i ze restadi fermi come i ghe gavea dito de far intanto che Dio el fea i midianiti coparse un al altro cole so spade. El acampamento l’è stà finio fora. I midianiti no i ze stati boni de scampar via parché i israeliti i ze ndati drio de lori par finirli fora. Cossita i midianiti no i ze pi restadi intorno de Israel par atacarli. — Giuisi 7:19-25; 8:10-12, 28
Va in serca de lession pressiose dela Bìblia
Sentinela 15/01/05 pàg. 26 paràg. 6
Punti interessanti del libro de Giuisi
Giuisi 6:25-27. Gideon l’è stà furbo quando l’è ndato trar do el altar de Baal parché no ocorea far i so opositori restar cativi. Quando semo nela predicassion, ghemo de star atenti con quel che parlemo par no ofender i altri con quel che disemo.
13-19 DE DISEMBRE
LESSION PRESSIOSE DELA BÌBLIA ǀ GIUISI 8-9
“L’è meio esser ùmile che esser orgolioso”
Sentinela 15/08/00 pàg. 25 paràg. 3
Cossa far quando te ghè un problema con altra persona?
Gideon l’era in meso una batàlia contra Midian quando el ga domandà el aiuto dela tribo de Efrain. Ma, dopo che i ga finio la batàlia, i òmini dela tribo de Efrain i ga sbrontolà parché Gideon no li gavea mia ciamà nel scomìnsio dela batàlia. (Giuisi 8:1-3) Alora, Gideon el ga doperà parole bele e ben scolieste par parlar con lori e cossita, no ga mia sucedesto una guera intrà le tribo de Israel. Fursi i òmini dela tribo de Efrain i se catea meio che i altri e i era orgoliosi. Ma ancora cossita, Gideon el se ga sforsà de far la pace con lori. Come che noantri podemo far compagno Gideon?
Sentinela 01/17 pàg. 20 paràg. 15
Parché che l’è importante esser ùmile?
15 Gideon l’è un bel esémpio parché lu el savea che arquante robe el saria bon de far e altre nò. Quando Geovà el ghe ga dato una granda responsabilità, Gideon el ga dito che gnanca lu e gnanca la so fameia i era persone importante. (Giuisi 6:15) Lu el ga acetà questa responsabilità e el ga domandà el aiuto de Geovà par saver cossa el gavaria de far. (Giuisi 6:36-40) Gideon l’era un omo coraioso, sàbio e el pensea ben vanti de far qualcossa. (Giuisi 6:11, 27) Lu no’l volea farse veder par causa dela responsabilità che el gavea ricevesto. Invesse, lu l’è stà contento de tornar casa quando el ga finio el laoro che el gavea de far. — Giuisi 8:22, 23, 29
Sentinela 15/02/08 pàg. 9 paràg. 9
Ghemo sempre de obedir a Geovà
9 Par esser amighi de Dio ne ocore sempre esser ùmili. (1 Pie. 3:8; Sal. 138:6) El capìtolo 9 del libro de Giuisi ne mostra come l’è importante esser ùmili. Questo capìtolo el parla del oliver, del figher e dela vigna. Queste piante le rapresentea persone bone che no i ndea in serca de comandar i altri israeliti. Ma el rè Abimeleche l’era orgolioso, copea i altri e volea comandar le persone. Par quela, lu l’era come un spiner che se doperea sol par far fogo. Lu el ga comandà Israel come un prìnsipe par tre ani, ma l’è morto ancora gióveno. — Giuisi 9:8-15, 22, 50-54
Va in serca de lession pressiose dela Bìblia
Perspicaz vol. 1 pàg. 765 paràg. 5
Èfode, I
Gideon l’era contento cola vitòria che Geovà el gavea dato a Israel. Lu el volea darghe onor a Geovà e cossita el ga fato un èfode. Ma questo èfode l’è stà una “tràpola par Gideon e so fameia”, parché dopo i israeliti lo ga doperà par far adorassion falsa. (Giuisi 8:27) Invesse, la Bìblia no la dise che Gideon el ga fato adorassion falsa. Paolo el parla de Gideon come un intrà i adoradori fedeli de Geovà del passà. — Ebr. 11:32; 12:1
20-26 DE DISEMBRE
LESSION PRESSIOSE DELA BÌBLIA ǀ GIUISI 10-12
“Geftè el fea de acordo col spìrito santo de Dio”
Sentinela 04/16 pàg. 7 paràg. 9
Quando semo fedeli, Geovà el resta contento
9 El esémpio de altre persone fedele fursi ga giutà Geftè a ndar de acordo col spìrito santo de Dio. Giusepe l’è stà un bel esémpio parché el ga tratà i so fradei con bontà ancora che i lo gavesse tratà mal. (Gén. 37:4; 45:4, 5) Pol esser che pensarghe sora queste persone fedele ga giutà Geftè a contentar a Geovà in tuto quel che el fea. I so fradei i ghe ga dito su e lu l’è restà triste. Ma no’l ga assà che questo intrighesse el so laoro a Geovà e al so pòpolo. (Giuisi 11:9) Par lu, l’era pi importante difender el nome de Geovà che restar disgustà quando sucedesse problemi coi altri. Lu el volea esser leal a Geovà e, par quela, lu e altre persone i ga ricevesto tante benedission. — Ebr. 11:32, 33
Perspicaz vol. 2 pàg. 25 paràg. 4
Geftè
Geftè no l’era un gueriero che no’l savea gnente. Lu el studiea la stòria e el savea ben come che Dio el tratea el so pòpolo. Quando i amoniti i ga acusà i israeliti, Geftè el ga spiegà tre robe: (1) Israel no’l gavea atacà Amon, Moabe o Edon (Giuisi 11:14-18; Deu. 2:9, 19, 37; 2 Cró. 20:10, 11), (2) nela època che i israeliti i ze ndati rento la Tera Prometesta, i amorei cananei i era de star là e Sìon l’era el so rè, ma Geovà el ga giutà i israeliti a vinserli e ciapar quela tera par lori. I amoniti no i era paroni de quela tera in quel tempo e (3) nei ùltimi 300 ani, dopo che Israel el gavea ciapà quela tera, i amoniti no i gavea dito gnente contra. Alora, lori no i gavea mia motivo par sbrontolar. — Giuisi 11:19-27
Perspicaz vol. 2 pàg. 25 paràg. 5
Geftè
Geftè el ga mostrà che la roba pi importante la era la adorassion a Geovà. Lu el ga dito che Geovà el ghe gavea dato quela tera e, par quela, lori no i ndaria darghela a persone che le adorea falsi dèi. Geftè el ga dito che i amoniti i adorea el dio Chemòs e che lori i credea che questo dio li giutea a vinser altri pòpoli, ciapar la so tera e comandarli.
Va in serca de lession pressiose dela Bìblia
Perspicaz vol. 2 pàg. 24 paràg. 7
Geftè
Geftè l’era un fiol de fameia. La so mare la era una prostituta vanti de maridarse con Gileade, so pare de Geftè. (Giuisi 11:1) Come che noantri savemo che Geftè l’era un fiol de fameia? I mesi fradei de Geftè i era fioi dela prima dona de Gileade. Lori i ga volesto parar via Geftè dela so casa parché no i volea che lu el ricevesse parte dela eransa. (Giuisi 11:2) Nantra roba che prova questo l’è che, un tempo dopo, i òmini de Gileade i lo ga acetà come lìder. (Giuisi 11:11) Anca la Bìblia la dise che lu el ga fato sacrifìssio a Dio nel tabernàcolo. (Giuisi 11:30, 31) De acordo cola Lege Mosaica, se un fiol no’l fusse nassesto dela relassion intrà un omo e una dona maridadi, lu no’l podaria ndar rento la congregassion de Geovà. Alora, se Geftè no’l fusse un fiol de fameia, lu no’l podaria gaver fato quel sacrifìssio. — Deu. 23:2
27 DE DISEMBRE–2 DE GENARO
LESSION PRESSIOSE DELA BÌBLIA ǀ GIUISI 13-14
“Pare e mare, imparé con Manoà e so dona”
Sentinela 15/08/13 pàg. 16 paràg. 1
El pare e la mare i ga de insegnar so fioi de picinini
La dona de Manoà no la era bona de gaver fioi. Ancora cossita, el àngelo de Geovà el ga dito che ela la gavaria un fiol. (Giuisi 13:2, 3) Questa la ze stata una bela notìssia par lu e la so dona. Manoà l’era un omo pròpio fedele a Dio. Ma i ze restadi preocupadi e i ga pregà a Geovà par gaver el so aiuto. (Giuisi 13:8) Lori i ze stati ricompensadi parché i se ga sforsà par slevar ben so fiol, Sanson, de acordo cola lege de Dio.
Sentinela 15/03/05 pàg. 25 paràg. 5
Sanson el ga vinsesto par causa dela forsa de Geovà!
Invesse de finir fora coi filistei par libertar i israeliti, Sanson el ga dito che el ndaria maridarse con una fiola dei filistei par far un acordo con lori. Ma questo l’era contra la lege de Dio parché questa nassion no la adorea mia a Geovà. (Éso. 34:11-16) So pare e so mare de Sanson no i spetea mia una roba de questa, par quela no i ze stati de acordo. Lori i ghe ga dito a Sanson che lu el podaria catarse una dona intrà le fiole del so pòpolo invesse de ndar catarse una dona intrà i filistei. Ancora cossita, Sanson no’l ga mia cambià de idea. — Giuisi 14:3
Va in serca de lession pressiose dela Bìblia
Sentinela 15/03/05 pàg. 26 paràg. 1
Sanson el ga vinsesto par causa dela forsa de Geovà!
Sanson no’l ghe piasea de quela dona parché la era bela o ben postada. Invesse, Sanson l’era interessà in quela dona parché questa saria una bela oportunità de ndar contra i filistei. (Giuisi 14:4) Intanto che Sanson el vegnea grando, el spìrito santo de Geovà el ga scominsià a guidarlo. (Giuisi 13:25) L’è stà questo spìrito che lo ga guidà in tuto quel che el ga fato intanto che l’era giuis de Israel, anca quando el ga volesto maridarse con quela dona straniera.