Seto Questo?

I israeliti i podea far sacrifissi de colombete e de colombe. Come questo li giutea?

LA LEGE che Geovà el gavea dato a Moisè la disea che el pòpolo el podea far sacrifissi de colombete, ma anca de colombe. La lege sora sacrifissi la parlea sempre dei due tipi de oseleti. Cossita, el israelita el podaria scòlier che oseleto el volaria dar a Geovà. (Lev. 1:14; 12:8; 14:30) Questo l’era bon par el pòpolo parché dele volte l’era fadiga catar colombete. Come cossita?

Tuti i pol veder le colombete in Israel quando l’è caldo. Ma tuti i ani, nel mese de otobre, lore le zola par i paesi del sud, parché là l’è pi caldo. Dopo, lore le torna a Israel nela primavera. (Cànt. 2:11, 12; Ger. 8:7) Alora, ghe fea fadiga ai israeliti catar colombete par far sacrifissi nel inverno.

Ma, le colombe no le cambiea de posto. Alora, i israeliti i podea catarle tuto el ano in Israel. Le colombe anca le vivea darente dele persone. (Vedi anca Gioani 2:14, 16.) El libro Piante e bèstie dela Bìblia el dise che in tuti i posti dela Palestina ghen’era colombe darente dele persone.a Tute le case dei israeliti le gavea una parede con arquanti busi, che l’era ndove le colombe le restea. — Vedi anca Isaia 60:8.

Alora, i israeliti i podea dar come sacrifìssio a Geovà el oseleto che i era boni de catar. Cossita, imparemo che Geovà l’è un Dio che el ga tanto amor e che el resta contento con quel che podemo dar a lu.