Masu oopatxera a eparte 12

Yesu aahaaxuttiha atthu woohima sa Omwene wa Muluku. Owo-tho oonixuttiha weera nivekeleke weera nsina na Muluku ntteelihiwe, Omwene awe owe, ni yeereye yootthuna awe elapo ya vathi. Wakhala weera nyuwo tiithi naari maaye, mmuleele mwaninyu mwaha wa heeni nivekelo nraaya nootthuneya. Mmoonihere-tho weera Yesu ikwaha sootheene aari oororomeleya wa Yehova, nnaamweera aaviriha maxupo oonyesereriwa ni Satana. Yesu aahaathanla atthareli awe, ni awo yaari oopatxera yeerela eparte Omwene. Mmukhavihere mwaninyu woona moota Yesu aasiveliwaawe okokhorela weekhaikhai. Owo aatthuna waakhavihera atthu, mwaha wa yeeyo, owo annaalamiha aretta, annaavaha yootxa atthu yaavoliwa etala, ni annaavinyereriha atthu ookhwa. Mwa miiriira iyo, Yesu aahoonihera weera Omwene wa Muluku onoorowa opaka itthu sootheene iyo elapo yootheene.