Mwakhavihere anamasomaanyu a Biblya omuroromela Yehova ni Yesu nvarelaka muteko ebuukhu Mukhaleno ekumi yoohimala!

Weera emusivelihe Yehova, anamasomaahu a Biblya entthuneya okhalano nroromeleo noolipa. (Aheb 11:6) Nto weera ewere okhalano nroromelo nno, nintthuneya weera hiyo nri anamasomiha ninvariheleke muteko buukhu Mukhaleno ekumi yoohima!. Ebuukhu ela yookhalano soolepa sootepa otthuneya, itthu simweeriha namasoma wuupuwelela, makoho ooreera, iviidiyu sootthuttha murima, ni ilataratho sooreera. Weera anamasomaahu a Biblya ekhaleno nroromelo, hiyo nintthuneya oteka ni itthu soovilela mooro.—1Akor 3:12-15.

Atthu akina, onnaavila ororomela weera Muluku pooti okhala nthamwene aya mwaha weera khemmoona. Nto mwaha wa yeeyo nintthuneya waakhavihera anamasomahu omusuwela Yehova ni omuroromela owo.

MOONELE EVIIDIYU ENEERA: MWAKHAVIHERE ANAMASOMAANYU A BIBLYA OMUROROMELA YEHOVA, NVARELAKA MUTEKO EBUUKHU “MUKHALENO EKUMI YOOHIMALA!” AVINYAKA MWAAKHULE MAKOHO ALA:

• Ninsuwela hayi weera murokora aahiireherera nnene weera asomihe?

• Moota heeni murokora aavarihenlaawe nnene makoho oowaatxeerera weera asuwele moonelo wa namasoma voohima sa yoolepa ya Yesaya 41:10, 13?

• Iviidiyu ni soolepa sanvanre hayi murima namasoma ole a Biblya?

Atthu antxipale khaniiwexexa yootaphulela ya yoowoopola naari neere awo anuupuwela weera khaiyene yoovaha Yehova aavanhaawe. (Aga 2:20) Nto mwaha wa yeeyo, nintthuneya waakhavihera weera eroromeleke yowoopola ya Yesu.

MOONELE EVIIDIYU ENEERA: MWAKHAVIHERE ANAMASOMAANYU A BIBLYA OMUROROMELA YESU, NVARELAKA MUTEKO EBUUKHU “MUKHALENO EKUMI YOOHIMALA!” AVINYAKA MWAAKHULE MAKOHO ALA:

• Ninsuwela hayi weera munna aahiireherera nnene weera asomihe?

• Moota heeni munna aavarihenlaawe empari eneera “Weera musuwele itthu sintxipale” weera amukhavihere namasoma awe?

• Mwaha wa heeni ontthuneyaaya onvekelela namasomaahu?