Masu oopatxera a eparte 5

Sivirakaru miyeeri miili elapuwakaru ephareya yooxeera, ana a Israeli yaaphiya omwaako Sinayi. Iwe, Yehova aahaalaihera ana a Israeli ni aahiweerela weera awo yaarowa okhala atthu awe oothanleya. Yehova annaakosoopa ana a Israeli ni annaavaha itthu awo yaahaawelaaya, emana weera etxeeke, ikuwo soohipereya, nnipuro noovareleleya weera ekhaleke. Wakhala weera nyuwo mwa paapa naari maaye, mmukhavihere mwaninyu wiiwexexa mwaha wa heeni Yehova aavanhaawe ana a Israeli nlamulo, etabernaakulu ni onamakeya. Mmoonihere moota oraaya wootthuneya okwanihera soolaihera sahu, ovirelela okhala oowiiyeviha ni ikwaha sootheene okhala oororomeleya wa Yehova.