Masu oopatxera a eparte 6

Emaara ana a Israeli yaaphiñyaaya elapo yoolaiheriwa, nipuro yeeraaya emukokhorelekevo Yehova naari etapernaakulu. Anamakeya yannaxuttiha malamulo, ni anamathoriha yannavaha miruku sa Muluku weera yaakhavihereke atthu osuwela etthu yoopaka. Sooweereya sinttharelana, sinoorowa woonihera moota soothanla ni miteko sa mutthu sinvoleelaaya onthamwene awe ni Yehova, naari oweeriha atthu akina opaka itthu sooreera naari soonanara. Mmuleele mwaninyu moota Debora, Nowemi, Yehoxuwa, Ana, mwaana mwaamuthiyana a Yefté, yaaraaya matakihero ooreera wa atthu akina yaamukokhorela Yehova. Mmoonihere weera Rahabi, Ruthi, Yoweli, maxiponita ni atthu akina yahaamukokhorela Yehova, yaalakela okhala eparte ya ana Israeli mwaha wooweera yaasuwela weera Muluku aari ni yaawo.