Muhixupiheke

Etthu Yesu aapankaawe

EVIIDIYU: Yesu onnoonihera moota Atithi ahu ennikosoopaaya

1. Moone EVIIDIYU, naari mmusome Matheyo 6:25-27. Avinyaka mwaakhule makoho enttharelana:

1. Moota heeni Yesu oonihenraawe moota Yehova onnikosoopaawe?

2. Nnaamweera Yesu asuwenlene itthu sintxipale woohima sa ipalame, mwaha wa heeni owo uulummaawe etthu emoha paahi yookhweya? Ni mwaha wa heeni waaraaya moota wooreerela wooxuttiha?

Ntakihero na Yesu ninnixuttiha eheeni?

2. Vaavo nnaaxuttihaahu atthu mwa mukhalelo wookhweya, ennuupuwelela ele naaxuttinhaahu, ni hiyo ninnawera waavara murima aya.

Mutthareke ntakihero na Yesu

3. Muhuulumeke vantxipale. Ohiya wuuluma soothesene musuwenlaanyu woohima sa mwaha owo, mene-nto nvariheleke muteko miruku siri va eliivuru ele munvarihelaanyu muteko weera musome. Noomala opaka nikoho, mukhaleke opixa murima, ni munweherereke weera aakhule ole mummuxuttihaanyu Biblya. Wakhala weera owo khawenre waakhula naari ohima etthu ehinvarihana ni Biblya, mpakeke makoho oowatxerera weera mmukhavihere wuupuwelela nnene woohima sa mwaha owo. Wakhala weera owo mummuxuttihaanyu Biblya ohiiwexexa nnene pooti okela epontu ekina.

4. Mmukhavihereke namasomaanyu a Biblya wuupuwelela ele osommaawe ni otakansera ni ele ansomaawe viinaano vava. Mwa ntakihero, muhinayene opatxera yoosoma ekina enhima sa ovinyererihiwa, nyuwo pooti wuulula sa etthu ele muxuttenraanyu woohima sa moota enkhalaaya atthu ookhwa.

5. Nwereke ovarihela muteko soowoonihera. Muhinaayene ovarihela muteko yoowonihera, mwiikoheke ha:

1. ‘Yoowonihera ela ti yookhweya?’

2. ‘Namasomaaka a Biblya onoowera wiiwexexa moowakuveya?’

3. ‘Yoowonihera ela enoomukhavihera namasomaaka a Biblya wuupuwela miru sootthuneya, naari anuupuweleleke paahi yoowoonihera ela?’