Nikhavihero Namoota Woosoma

Othanla itthu sootthuneyaxa

Ootheene hiyo etempu nraahuno vakhaaneene weera nipake yoosoma ya Biblya ya omeekha. Nnaavarihele hayi nnene etempu ahu? Yoopatxera, muttotteleka mureerelo etempu anyu. Nyuwo munoowera ottottela mureerelo musomaka vakhaani-vakhaani ohiya osoma ipaaxina sintxipale.

Yanaaveeli, muthanle itthu sootthuneyaxa. (Aef. 5:15, 16) Muthokorore miruku sinttharelana:

• Mmusomeke Biblya mahiku ootheene. (Nsal. 1:2) Eprograma ahu yoomusoma Biblya nreheraka mithukumano sa variyari va esemana enoonikhavihera.

• Mmurehereke Nwehereri ni mithukumano sa eriyari ya esemana. Mukhaleke oolikaneene weera mukomentari.—Nsal. 22:22.

• Mwiihiyerake etempu weera nvireleleka wiitxiha eyootxa ya omunepani nvarelaka muteko iliivuru sahu, iviidiyu, ni itthu ikina sinkumiheriwa va jw.org.

• Mpake eprograma anyu yoosoma. Nyuwo pooti opaka ipesquisa sa maxupo mmunvirihaanyu, pooti okhala nikoho muraanyuno, naari mwaha mukina wa mBiblyani muntthunaanyu wiiwexexa nnene. Weera musuwele sintxipale nwehe nipuro nneera “Atividades de Estudo Bíblico” va jw.org.