Itthu soovareleya muteko siri mpuwa mwa eliivuru Mukhaleno ekumi yoohimala!

Neereke nyuwo sinnoosivelani iviidiyu ni makoho aneera munoonela hayi? Emphwanyeya va eliivuru Mukhaleno ekumi yoohimala!? Ankhanto munoonela hayi voohima sa equaadru “Atthu akina aneera”, “Mpika”, “Weera musuwele itthu sintxipale?” Itthu heeni ikina simphwanyeya va eliivuru sineera sookhavihereni nyuwo waapaka atthareli?—Mt 28:19, 20.

Iviidiyu, nyaha ni audio”: Munrowa ophwanya moota heeni iviidiyu sootheene nipuro nimoha, wakhala weera muntthuna opakiha yoosoma ya Biblya nvarelaka muteko eliivuru yoowimprimiriwa? Eliivuru ela musaitini muttapunye nipuro nimoha variyari va mapuro maxexe ootthuneya. Omamalihero wa elista ya miru sa soosoma, nyuwo pooti ottapunya va “iviidiyu, nyaha ni audio” weera mphwanye iviidiyu sootheene simphwanyeya eparteene yeela. (Nwehe elataratho 1.)

Ikomfigurasau sa “eliivuru yoowimprimiriwa”: Wakhala weera nyuwo munvarela muteko ekaruma eletroniku weera mmusomihe mutthu, apaale enimoosivelani ekomfigurasau ya “eliivuru yoowimprimiriwa”, ehuhu ekina munrowaanyu opakiha yoosomaanyu. Va yoosoma murowe va ekaruma emphwanyeya vasulu va epaxina muttapunye ipontu tthaaru ni muthanle nipuro nneera “eliivuru yoowimprimiriwa”. Etthu ela pooti wookhaviherani nyuwo woona moota mwaha munsomihaanyu onvarihanaaya ni yoosoma muraanyu. Weera mutthikele eliivuru digital muttapunye veeli ipontu ttharu ni muthanle nipuro nneera “eliivuru yoowimprimiriwa” hooye hooye, mmuttapunye icone roxo va eparte yoyeva ya epaxina.

“Kiri oolikaneene?”: Iquaadru iya omamalihero wa yoosoma sinnonihera itthu nyuwo muntthuneyaanyu osuwela weera mpatxere olaleera ni muloko ni obatiziwa. (Nwehe elataratho 2.)

“Inoota”: Eparte ela enniwanyeiha itthu ikina sootthuneya, eliivuru digital ehenla mpuwa link omphwanyeya okhwipi wa yeele eri yoohimmwa linkeene yoola onnootthikiherani nipuro nyuwo mwemenlanyuvo va yoosomanyu. (Nwehe elataratho 2.)