WAAKHULIWA WA MAKOHO A MBIIBILIYANI

Xeeni Yesu onihimmwa awe okhala Mwaana a Muluku?

Muluku khorina muthiyana ntoko mwaara awe omuyaranne awe mwaana. Owo Mpattuxa a itthu sotheene sikumi. Apinaatamu apakiwe wira atakiheke mikhalelo sa Muluku. Tivonto Adamu, pinaatamu oopacerya opattuxiwa oniitthaniwa awe ‘mwana a Muluku’. Moolikanasa, Yesu onniitthaniwa okhala “Mwana a Muluku”, mwaha wookhalana mikhalelo sinilikana ni mikhalelo sa Tiithi awe.​—Mmusome Luka 3:38; Yohani 1:14, 49.

Yesu opattuxiwe silini?

Muluku aahimpattuxa Yesu khalai ohinatthi ompattuxa Adamu. Tthiri Muluku aahimpattuxa Yesu, nto khumurumeela Yesu, wira Muluku opattuxe itthu sotheene sikina, ohela mpuwa malaikha. Tivonto Biibiliya onimuhimya awe Yesu okhala ‘opajerya mwa sopattuxiwa sothene’ sa Muluku’.​—Mmusome aKolosi 1:15, 16.

Ohinatthi oyariwa oBethelehemu, Yesu aakhala ntoko yoopattuxiwa yoomunepani wiirimu. Nuumala ophiya okathi, Muluku aahithaamiha okumi wa Yesu, okhuma wiirimu khuroiha mmirimani mwa Maria, wira oyariwe ntoko pinaatamu.​—Mmusome Luka 1:30-32; Yohani 6:38; 8:23.

Xeeni Muluku ohalaka omurumiha Yesu valaponi wira oyariwe ntoko Pinaatamu? Muteko xeeni muulupale aavanre awe? Munoowerya ophwanya waakhuliwa wa makoho ala mBiibiliyani, nto waakhuliwa iwo onrowa wunnuuherya wiiwexexa wanyu ni osiveliwa wanyu ele Muluku ni Yesu apanke aya mwaha wa nyuwo.

Nwehe-tho muru wa 4 wa eliivuru ela, Biibiliya Oniixuttiha Exeeni Tthiri?, ekumiheriwe ni Anamoona a Yehova

[Elatarato epaaxina 16]

Yesu aari yoopattuxiwa yoomunepani ohinatthi oyariwa oBethelehemu