“Kinimwaakhela Eliivuru Anyu, Nyuwo Mwaakhela Yawaka”

Atthu akina anihimya siiso vaavo nnaavaha ahu iliivuru sahu. Hiyo khannituruka iliivuru sahu sinimwiixuttiha Biibiliya ni iliivuru sa itiini siniixuttiha ithiru. Nto naakhuleke sai mwa miruku? (aRom. 1:25) Pooti waakhula so: “Kinniiwa enihimya anyu. Masi eliivuru anyu eyo enihimya exeeni sa moota sinrowa aya omala mixankiho sa apinaatamu? [Nwehererye waakhuliwa. Owo ahimya wira muhaana osoma eliivuru eyo wira mphwanye waakhuliwa waya, mmuleele wira nyuwo khamunivaha eliivuru muhitthokihenrye ele enihimya aya. Nto musome wala muromole yoolepa ya Matheyo 6:9, 10.] Yesu aahooniherya wira Omwene wa Muluku onoopaka yootthuna ya Yehova valaponi. Tivonto, eliivuru ya etiini enisoma aka tiile paahi enittittimiherya Omwene wa Muluku. Pooti owooniheryani mBiibiliyani itthu sikina Omwene wa Muluku onrowa aya opaka?”