Munrowa Opakani Mahiku a Iferiado?

Mahiku a iferiado sa itiini ni sa mulaponi, anamunceene khanirowa omutekoni. Nto mahiku awo, okathi wooreerela olaleerya. Miloko sinnitumereriwa opaka mareheryo a vameekhaaya wira silaleerye okathi owo. Akhala wira anamunceene mmuttettheni annipisa ovenya vaarupa aya, vanooreerela otthokiha saana okathi wa muthukumano woorowa olaleerya. Nto, okathi wa Muthukumano wa Orummwa, pooti oleeliwa anna voohimya sa marehereryo apakiwe a olaleerya okathi wa iferiado ni waatumererya otheene akhanle owiirela mpantta. Ekeekhai wira hiyo pooti orumeela iferiado wira niphumurye, wala othokorerya myaha sahu. Masi, vaamureerela orowa olaleerya vaasisu wala makaaripi. Mwiira siiso, munoophwanya ohakalala mwaha wa wiirela mpantta muteko wootteela.​—Math. 11:29, 30.