MUKHALELEKE NTHITI MUTEKO WOOLALEERYA | NINCERERYE OHAKALALA WAHU OKATHI WOOLALEERYA
Mwaakhaliheryeke Ale Munaasomiha Anyu Biibiliya Orowela Mithukumano
Mithukumano sahu siniirela mpantta okokhorela wahu weekeekhai. (Esa 22:23) Okathi ninthukumana ahu wira nimukokhorele Yehova, ninniphwanya ohakalala ni itthu sikina sooloka. (Esa 65:5) Anaxikola a Biibiliya, annirowa vahoolo moowaakuveya, vakhala wira annirowela mithukumano moohihiyererya.
Munrowa waakhaliherya sai anaxikola anyu a Biibiliya wira aroweleke mithukumano? Nwooniheryeke eviidiyu eni: Exeeni Eniiraneya mMithukumano sa Empa ya Omwene? Nuumala-vo, mwaatthokiheryeke itthu sooreera mutthu oniixutta awe omuthukumanoni. (lff yoosoma 10) Pooti omuhimeerya eponto emosa mwiixuntte anyu omuthukumanoni, aahiiso omuleela itthu sinrowa olavuliwa muthukumano onirwa. Nave, munvaheke iliivuru sinrowa osommwa omuthukumanoni. Ohiya-vo, nyuwo pooti wuupuwela inamuna sikina sinrowa anyu omukhaliherya naxikola anyu. Mwa ntakiheryo, pooti onvaha etthu enrowa omukhaliherya orowa omuthukumanoni. Moohaanyiherya, munoohakalala vanceene okathi munrowa anyu omoonaka opaceryaka orowa omuthukumanoni.—1 aKo 14:24, 25.
NWEHE EVIIDIYU ENI: MWAAKHALIHERYEKE ALE MUNAASOMIHA ANYU BIIBILIYA OROWELA MITHUKUMANO. NUUMALA-VO MWAAKHULE MAKOHO ALA ANITTHARELANA:
Okathi yaavaanela aya, exeeni yaamukhalihenrye Rita owerya omulattula Rosa wira orowe omuthukumanoni?
Etthu xeeni ennihakalaliha okathi naxikola ahu a Biibiliya onrowela awe mithukumano?
“Mweekeekhai Muluku ori ni nyuwo”
Etthu xeeni yahaareere omusivela Rosa okathi aronwe awe omuthukumanoni ekwaha yoopacerya?