Mwaakhaliheryeke Ale Munaasomiha Anyu Biibiliya Oheetta ni Atthu Ahinimphenta Yehova

Wira anaxikola akhalane waataana wooloka ni Yehova, ahaana waathanla saana apatthani aya. (Esa 15:1, 4) Okhalana apatthani ooloka, onimwaakhaliherya opaka itthu sooreera.—Mir 13:20; lff yoosoma 48.

Mwaareereleke murima anaxikola a Biibiliya, okathi munaakhaliherya anyu waathanla saana apatthani aya. Nave musuweleke wira khivanikhweya waahiya apatthani aya a khalai. Tivonto, muhaana okhala mpatthani aya. Nvaaneleke naawo ohiya paahi okathi munaasomiha anyu Biibiliya, masi-tho okathi mukina. Nyuwo pooti waalepela mensagem, waalikarela aahiiso waaxukurya owannyeya. Okathi munoona anyu wira naxikola anyu onnirowa vahoolo, pooti omulattula wira mutthekuleke vamosa ni anna a mmulokoni. Nto akhala wira khaniphaveliwa ni apatthani aya a khalai, anoosuwela wira animwaaphwanya apatthani anceene waavikana ale yaahiyale aya. (Mar 10:29, 30) Nto okathi emusi ya Yehova enrowa aya wunnuwaka, nyuwo nave munoohakalalaka.

NWEHE EVIIDIYU ENI: MWAAKHALIHERYEKE ALE MUNAASOMIHA ANYU BIIBILIYA OHEETTA NI ATTHU AHINIMPHENTA YEHOVA. NUUMALA-VO MWAAKHULE MAKOHO ALA ANITTHARELANA:

• Tani akhanle apatthani oohiloka?—1 aKo 15:33

• Rosa uupuwela wira Makristau anitthekula sai?

• Rita aamukhalihenrye sai Rosa waathanla saana apatthani awe?