Imilyau Sinceene sa Soopattuxiwa Somunepani

Biibiliya oninleela wira aakhala atthu anceene oomunepani. Yehova mwaneene, owo munepa. Owo khonooneya.—1 Timótheyo 1:17; aHéberi 11:27.

Mu okathi mukina, Yehova aakhala ekhawe moolumwenkuni. Vattuli vaya, owo aahipacerya waapattuxa atthu oomunepani aniihaniwa malaikha. Malaikha awo toowerya ni taankhili vanceene waavikana apinaatamu. Yehova oopattuxa malaikha manceene; Daniyeli, murumeyi a Muluku, aahoonihiwa ikonto imiya sene sa malaikha.—Daniyeli 7:10; aHéberi 1:7, NM.

Ohinatthi opaka elapo, Muluku aahipattuxa malaikha ala. (Yobi 38:4-7) Malaikha ala khahiyo atthu yaatonko okhala ni akhwa valaponi.

Soopattuxiwa sa omunepani siri ene ohoolo wa ehice ya Yehova — Yehova, yoowo ori Munepa muulupale, oopattuxa imilyau sinceene s’atthu oomunepani