OPACERYA OVAANELA
YOOSOMA 5
Wooniherya Nttittimiho
Yoolepa: “Moolumo anyu ekhaleke ooreera”. — aKol. 4:6.
Etthu Paulo Aapanke Awe
1. Nwehe EVIIDIYU, aahiiso musome Miteko 17:22, 23. Nuumala-vo, mwaakhule makoho anittharelana:
Paulo oonenle sai, nuumala oweha soolema soohiloka sa etiini yeettela aya atthu a wAthena? — Nwehe Miteko 17:16.
Ohiya waapwapwela atthu a wAthena, Paulo aarumenle sai mwa nttittimiho itthu yaakupali aya, wiira aalaleerye ihapari sooreera?
Etthu Paulo Onniixuttiha Awe
2. Akhala wiira ninnithanlela moolumo ahu ni moota ninlavula ahu ni okathi ninlavula ahu, atthu akina pooti ophavelaka oniwiriyana.
Mmutakiheke Paulo
3. Muthanleke saana moolumo anyu. Mwa ntakiheryo, okathi munilavula anyu ni mutthu ohineettela etiini ya ekristau, ti vooreera osuwela moolumo oorumeela, naaphavelaka omuhimya Biibiliya aahiiso Yesu.
4. Muhaakuveke onvaanyiha mutthu owo. Mmuhiyeke mutthu owo ohimyeke moonelo awe. Akhala wiira onoohimya etthu enivirikana ni ele eri mBiibiliyani, muhaakuveke onvaanyiha. (Yak. 1:19) Nto, mwanwiriyana vale, munoosuwela itthu onikupali awe ni etthu enimwiiriha okupali itthu iyo. — Mir. 20:5.
5. Ahimya etthu yookhalela, mweemereryeke ni mmuttottopeleke. Pooti wiira mutthu owo onnikupali ni murima awe wootheene wiira itthu iixuttihiwe awe etiini awe, ti seekeekhai. Mpaceryeke olavula etthu oowanli anyu munikupali anyu. Nuumala-vo, vakhaani-vakhaani mmukhaliheryeke mutthu owo osuwela ele Biibiliya oniixuttiha awe.