WAAKHULIWA WA MAKOHO A MBIIBILIYANI

Tiivi eri yoolakela ya otthika wa Yesu?

Yesu Kristu ohinatthi orowa wiirimu mwaakha wa 33 E.C., aahileiherya wira aamutthika. Owo aahiilikanyiha ni mulopwana oneetta mukwaha okathi munceene, nto khiyatthika ntoko mwene oowerya. Nto yoolakela ya otthika wa Yesu, ori waaruuhela apinaatamu olamulelo wooloka.​—Mmusome Luka 19:11, 12.

Kristu onirowa otthika ni erutthu xeeni? Owo aahihimuxiwe ntoko mutthu omunepani. (1 Pedru 3:18) Nuumala-vo, khurowa wiirimu ni kukhilaathi moono woolopwana wa Muluku. (Esalimo 110:1) Muhoolo mwaya, aahiitthaniwa ohoolo wa Yehova Muluku, “Humu Mulupale”, yoowo anvahale owerya wira aalamuleleke apinaatamu. Tivonto, Yesu khonirowa otthika ntoko pinaatamu, masi ntoko Mwene ohinooneya.​—Mmusome Daniyeli 7:13, 14.

Exeeni Yesu onirowa awe opaka vaavo onirowa awe otthika?

Vaavo Yesu onrwa awe moohooneya vamosa ni malaikha awe, owo onimwaaphukela apinaatamu. Nto owo onimwaapwetexa atthu ootakhala, masi onimwaavaha ekumi yoohimala ale animukupali okhala Mwene.​—Mmusome Matheyo 25:31-33, 46.

Okathi Yesu onirowa awe olamulelaka ntoko Mwene onootatuxa elapo wira ekhale eparayiisu. Nave-tho onirowa waahihimuxa ale akhwiiye wira akhalane okumi woohimala mparayiisu.​—Mmusome Luka 23:42, 43.

Wira musuwele soohimmwa sikina, muwehe ipaaxina 73-85 ya eliivuru ela, yoolaleiwa ni Anamoona a Yehova

Mubaxari va www.jw.org

[Elatarato eri epaaxina 16]

Yesu onookumiherya eguvernu yooloka wa apinaatamu