Moota Mukina Woorumeela Ebroxura Mensagem da Bíblia

Atthu anceene anikhala mmuttettheni mwahu, vanceenexa yaale ahineettela etiini ya oKristau, khanisuwela saana itthu sa mBiibiliyani. Tivonto, anamalaleerya akina vaavo anaasomiha aya atthu awo, ohiya paahi orumeela eliivuru Biibiliya Oniixuttiha Exeeni Tthiri?, annirumeela-tho ebroxura Mensagem da Bíblia, wira amukhaliherye ole onimusomiha aya osuwela ele eri mBiibiliyani. Mwa ntakiheryo, munna mmosa onnipacerya orumeela mpantta 1 wa ebroxura eyo, vaavo onithokorerya awe muru 3 wa eliivuru Biibiliya Oniixuttiha Exeeni. Nto, wanikisa wa khula yoosoma onnirumeela mpantta mukina onittharelana wa ebroxura eyo. Niireke wira mutthu munimusomiha anyu, onisuwela vakhaani itthu siniixuttihiwa mBiibiliyani wala khonisuwela-tho? Wira mmukhaliherye osuwela ‘solempwa sa Muluku, seiyo siniwerya onvaha ankhili ni omphwanyiha wòpowa’, pooti orumeela-tho ebroxura Mensagem da Bíblia vaavo munimusomiha anyu murumeelaka eliivuru Biibiliya Oniixuttiha Exeeni.—2 Tim. 3:15.